Psalms 130

MAING Ieowa, i kin likwirda wong komui sang nan wasa lol.
Maing, kotin ereki ngil ai! Karong omui en mamangi ai ngidingid!
Ma komui Ieowa, pan kotin kapokonki ong aramas dip akan, Maing, is me ap pan kak kasinenda mo ’mui?
A komui kin kotin mak, pwe aramas en masak komui.
I kin auiaui Ieowa, ngen i kin auiaui, o i kin auiaui a inau.
NGen i kin auiaui Kaun o, sang saunmasamasan kin auiaui mansang, saunmasamasang kin auiaui mansang.
Israel auiaui Ieowa, pwe Ieowa me kalangan, o wasa en kamaio mi re a.
A pan kotin dorela Isael sang dip a kan karos.
Copyright information for `PONPDN