Psalms 132

MAING Ieowa, kom kotin tamanda Dawid o a apwal akan karos.
Me kauki ong Ieowa, o a inauki ong Kot manaman en Iakop.
I sota pan pedelong ong nan im ai, o i sota pan wendi pon los.
I sota pan mueid ong mas ai en mair, de por en mas ai, en mair pena.
Lao i pan diar ekis wasa ong Ieowa, wasan tanpas en Kot manaman en Iakop.
Melel, se ronger duen i nan Eprata; se diaradar i nan sap en laar.
Se pan pedelong ong nan tanpas a o kaudok ni utipa.
Kotida, Maing Ieowa, koti dong omui kamol, komui o kopan omui kalangan.
Sapwilim omui samero kan en likau kida pung, o sapwilim omui me saraui kan en pereperen.
10 Re der sopwei sang mas en sapwilim omui me keidier, pweki Dawid sapwilim omui ladu.
11 Ieowa kotin kaula ong Dawid kaula melel eu, o a sota pan kawukila: I pan kasapwildang mol om kisan kadaudok om.
12 Ma noum seri ko pan kolekol ai inau, o ai kusoned akan, me I pan kawewe ong irail, nairail seri ko ap pil pan mondi pon mol om kokolata.
13 Melel Ieowa kotin pilada Sion, o a kotin men kotikot wasa o.
14 Iet wasan ai kamol kokolata; wata et, me I pan kaukauson ia, pwe wasa et I kin mauki.
15 I pan kapaiada kan a manga, o pan ki ong me samma re ’rail prot toto.
16 O I pan kalikauwi kida maur arail, samero kan, o me lelapok re ’rail pan ngisingis laud.
17 I wasa mana en Dawid pan pwaida mau, I kaonopadang nai, me kedier, marain eu.
18 I pan kalikauwi kida namenok a imwintiti kan a kapwat en nanmwarki pan mi pon monga.
Copyright information for `PONPDN