Psalms 143

MAING Ieowa, kom kotin ereki ai kapakap, o karong ar en mangi ai ngidingid; mangi ia ni ar melel o ar pung.
Kom der kotin kadeikada sapwilim omui ladu, pwe mo ’mui sota me maur men me pung.
Pwe imwintiti kin masamasan ia, o kin tiakedi maur i; a kin kase ia di wasa rotorot dueta ir me melar mas o.
NGen i kin luetala, o mongiong i ponla.
I kin tamanda ansau mas akan, o madamadaua duen ar wriawia kan; i kin lamelame duen dodok en lim omui kan.
I kin kapa wong komui pa i kat, duen sap madekong eu, me kin inong iong katau, iduen ngen i kin inong iong ir.
Maing Ieowa, kom kotin mangi ia madang, ngen i kin dupokala. Kom der kotin karirala silang omui sang mo i, pwe i ender dueta ir, me pan lokidokila. ps. 28.1
Nin soran omui kalangan en pwara dong ia, pwe i kin liki komui; kom kotin kasale ong ia al, me i en weid ia, pwe ngen i kin auiaui komui.
Maing Ieowa, kom kotin doro ia la sang ai imwintiti kan, i kin kaporoporeki komui.
10 Padaki ong ia, pwe i en dodok duen kupur omui; pwe komui ni Kot; ngen omui mau en kotin kalua ia pon al pung.
11 Maing Ieowa, kom kotin kamau ia da pweki mar omui; kalua ia sang nan wasa apwal ni omui pung.
12 O kotin kawela ai imwintit i kan, pweki omui kalangan; o kotin kamela karos me kin katoutoui ngen i, pwe ngai sapwilim omui ladu.
Copyright information for `PONPDN