Psalms 20

IEOWA en kotin mangi om kapakap ni ran apwal o; mar en Kot en Iakop en pera uk!
A en kotin porone dong uk sauas pam sang nan tanpas saraui o kamanga uk ada sang nan Sion.
A en kotin kupura om mairong karos, o om mairong isis en konkon re a.
A en kotiki ong uk, me mongiong om anane, o kotin kapaiada om inong karos.
Se pan ngisingiski omui sauasa kit, o ni mar en atail Kot kit pan kida at plak. Ieowa en kotin kapwaiada om poekipoek karos!
I ap asaer, me Ieowa kin kotin dorela sapwilim a me keiedier, o a pan mangi i sang nan sapwilim a lang saraui, lim a pali maun kin sauasa kaualap.
Mo kan kin kaporoporeki war o os akan; a kit kin keleki mar en Ieowa atail Kot.
Irail lodier o pupedier, a kit uda o kasinenda.
Maing kom kotin sauasa nanmarki o, o kotin mangi at likwir ong komui!
Copyright information for `PONPDN