Psalms 21

MAING Ieowa, nanmarki o kin peren kida omui manaman, o a polauleki melel omui sauasa i!
Kom kotiki ong i, me mongiong I inong iong, o kom sota kin sopeiwei sang, me kilin aua poekipoki.
Pwe kom kin wudokedi ong poa me mau kan; kom kotin kalisorop kidi i nin kold kasampwal eu.
A kin poeki re omui maur, komui ap kotiki ong i maur warai kokolata.
A lingan me lapalap ki omui kotin sauasa i. Kom kin kotin kapwataki i manaman o lingan.
Kom kotin kasapwilada i, pwen wia kamau men kokolata; kom kaperenda i mon silang omui.
Pwe nanmarki kin liki Ieowa, o a pan dadaurata ki kalangan en me lapalapia.
Lim omui pan diar omui imwintiti kan karos, o lim omui maun pan diar me kailong kin komui.
Kom pan wia kin ir ala stop en kisiniai eu, ni omui pan kotin pwarado. Ieowa pan kotin kawe ir ala ni a ongiong, o kisiniai pan kan ir ala.
10 Kom pan kotin karosela kadaudok arail sang nan sappa, o wa ’rail sang nan pung en aramas akan.
11 Pwe irail inau kidar, me re pan wia sued ong komui a re sota pan itar ong.
12 Pwe komui pan kotin kasaloe ir ada, pwe ren tang; kom pan kotin padok wong ir omui sal en kasik katieu.
13 Maing kom kotida ni omui rosong kit ap kauleki o kapinga omui manaman.
Copyright information for `PONPDN