Psalms 31

MAING, i liki komui, kom kotin ieiang ia, pwe i ender namenokala kokolata; dore kin ia la duen omui pung.
Kapaikidi dong ia karong ar akan, madang sauasa ia! Kom kotin wiala ai paipalap rosong, o kele pa i, pwen sauasa ia!
Pwe komui ai paip, o ai kel. Kom kotin kalua ia pweki mar omui.
Kom kotin api ia sang nan insar, me re wiai ong ia, pwe komui kele pa i.
I kakaliki ong komui ngen i; kom kotin dore ia la, komui Maing Kot melel.
I suedeki me kin kaporoporeki dikedik en ani mal akan, a i liki Ieowa.
I pan pereperen o polauleki omui kalangan, pwe komui me kotin mangi ai luet, o kotin kupura ngen i ni ansau apwal.
O re der mueid ong ai imwintiti, ren kaloe ia di. Kom kotin kasone na i kat nan wasa salatok.
Ieowa, kom kotin maki ong ia, pwe i masak; mas ai suedelar ki ai mamauk, pil dueta ngen I o pali war ai.
10 Pwe maur i luet kilar ai insensued, o ai par akan malaulaular ki ai sangesang, ai kelail tikitikelar pweki dip ai, o kokon aikna luetalar.
11 Ai imwintiti kan karos lalaue ia, o i wialar kanamenok pan men imp ai kan, o kamasak pan sau i kan; me kilang ia nani al o, kin tanwei sang ia.
12 Aramas monoke ia lar dueta me melar amen; ngai rasong dal eu me mor pasang.
13 Pwe i ronger duen me toto kin puserokiong ia; men kamasak kapil ia pena; re kin kapung pena duen ngai, pwen kae ia la.
14 A I kin kaporoporeki komui Maing, I ap inda: Komui ta ai Kot!
15 Ai ansau mi nan lim omui, dore ai sang nan pa en ai imwintiti kan o sang me kin pakipaki ia.
16 Kamarainki sapwilim omui ladu silang omui, dore ia ki omui, dore ia ki omui kalangan.
17 Maing, kom der kotin mueid ong, i en soredi; pwe i likwiri wong komui. Me sapung kan en soredi, pwe irail en nenenla nan wasan mela.
18  Kil en au en me likam akan mi nenenla, irail, me lalaue me pung kan ni laumaum, o aklapalap, o kaurur.
19 Meid laud omui kalangan, me kom kotin nekinekid ong me Ian komui kan, o me kom kin kasale ong ir, me liki komui sansal mon aramas akan.
20 Kom kin kotin karir ir ala re omui sang karos, me kailong kin ir, kom kin kadupal ir edi sang mon lo akamai.
21 Kapinga ong Ieowa, me kotin kalangan laud ong ia nan kanim tengeteng eu.
22 Pwe ni ai peikasal i indindar: I lokidokilar sang mon silang ar. Ari so, kom kotin ereki ngil en ai ngidingid, ni ai potoan wer wiwer ong komui.
23 Komail sapwilim a saraui kan karos, pok ong Ieowa! Ieowa kin kotin sinsila me poson akan, ap depuk ong ir melel, me akla palap akan.
24 Komail karos me kaporo poreki Ieowa, en kelail o der masak!
Copyright information for `PONPDN