Psalms 32

MEID pai, me dip arail lap wadar, o me ar sapung pwaipwaidier!
Aramas meid pai, me Ieowa solar pan kapokoki ong dip ar, me sota likam nan mongiong ar.
Pwe ni ai men okila, kokon ai kan ap susueda kilar ai sanosan ran karos.
Pwe lim omui katoutou ia nin ran o ni pong, o ai kelail mongedier, dueta ni ansau ong karakar.
I me i weokadang komui dip ai kan, o sota okila ai sapung kan. NGai indinda: I pan weokadang Ieowa ai katiwo kan, komui ap kotin maki ong la sued en dip ai.
I me saraui kan karos pan potoan kapakap ong komui arain ansau me komui kak diarokda Lapake kalaimun pan wiaui a sota pan lel ong ir.
Komui me pere pa i, kom pur kotin perawei sang ia men kamasak, i ap pan dorela o kapinga ni peren.
I pan padaki ong uk o kasale ong uk al o, me koe en weweid ia; I pan kalua kin uk por en mas ai.
Komail der dueta os de as amen me sota ar madamadaua, me mau ong, kisin mata en ko ong au arail, a ma so, re sota pan duki ong uk.
10 Me sapung o kin lodi ong song en madak to to, a me kaporoporeki Ieowa, kalangan en Ieowa pan kapil pena i.
11 Polauleki Ieowa, o pereperen komail me pung kan, o kapikapinga komail karos me lelapok melel akan.
Copyright information for `PONPDN