Psalms 36

IET me i men inda sang lol en mongiong i duen tiak en me sapung o: Sota lan Kot mi mon mas a.
A kin kotaue o lingkaping, pwen pein i dadaurata a dodok sued, ap tataki me tei kan.
A lokaia karos me sued o likam; a pil sota kin duki ong padak, pwen wiada me mau.
A kin madamadaua pon a los. A kin weweid nani al me sota mau o sota kin suedeki me sapung.
Maing, omui kalangan me ideda wong lang, o omui melel pil lel ong tapok kan.
Omui pung rasong nana en Kot akan, o omui kadeik kan me rasong iluk ileile kalank; Maing, komui me kotin dorela aramas o man akan.
Meid kasampwal omui kalangan Maing Kot, pwe aramas akan kin diar wasan kamaio pan mot en lim omui!
Re pan saliel kila dipisou toto nan tanpas omui, o kom kotin kanim pil kin irail peren laud rasong pilap pot.
Pwe parer ong maur mi re omui, o ni omui marain, se kin kilang marain.
10 Kom kotin dadaurata omui kalangan ong mo asa komui, o omui pung ong me melel sang ni mongiong arail.
11 Kom der mueid ong, i en tiatidi pan me aklapalap akan, o pa en me sapung kan ender kapup ia di.
12 A mesued akan en pupedi wasa o, pwen ren lokidokila o solar memaureda.
Copyright information for `PONPDN