Psalms 37

KOE dor makaraki me sued akan; o dor peirinki me kin wia sapung.
Pwe re pan sorala madang sora lii ni, o ro pan monedi dueta tan tuka kan.
Kaporoporeki Ieowa o wiada me amu, kaukausonta nan sap o, o wiawia me pun.
Plauleki Ieowa, a pan kotiki on uk, me mongion om inong iong.
Mueid ong Ieowa om wiawia kan o kaporoporeki i, a pan kotin wia mau.
A pan kapwareda ong wiawia me pung dueta marain, o om tiak pung dueta nin sauas.
Kaporoporeki Ieowa ap nenenla o auiaui, o koe der makar kida pan me kin pwaida ni a wiawia kan, ol o, me kin kapwaida me sued.
Muei sang makar o pwilikidi om linaranar; koe der makar, pwe koe der pil wia me sued.
Pwe me sued akan pan kokoka sang, a me liki leowa, pan sapangeki sap o.
10 Ansau takis, ap solar me sapung o, o ma koe men kilang deu a, a solar mia.
11 A me opampap akan pan sosoki sap o, o re pan pereperen ki ar kapwa toto.
12 Me sapung o kin kamasak me pung o, o ni tete ong i.
13 A leowa kotin kiparamateki i, pwe a kotin mangi a ansau.
14 Me sapung kan kin nape kida kodlas o kaonopada kasik katieu, pwen kasikiedi me luet o samama, o kamela me kekeit wei ni melel.
15 A ar kodlas pan dokodi pein mongiong arail, o ar kasik katieu pan tip pasang.
16 Me malaulau en me pung amen, me mau sang dipisou toto en me sapung kan.
17 Pwe pa en me sapung kan pan tip pasang, a leowa pan kotin kolekol me pung kan.
18 leowa kotin mangier ran en me lelapok kan, o ar dipisou pan duedueta.
19 Re sota pan namenokala ni ansau apwal, o ni ansaun lok a pan itar ong ir.
20 Pwe me sapung kan pan lokidokila, o imwintiti ong leowa, ma re rasong sap kaselel eu, re pil pan mokonaidi duota at itiniai.
21 Me sapung kan kin pwaipwand ap sota kapungala, a me pung o kin kadek o kin kisakisa wei.
22 Pwe me paie kin i, pan sosoki sap o, a me a kotin karialar akan pan kokoka sang.
23 Ieowa kin kotin katengetenge song en aramas due met ar kakakewei, o a kotin peren kida a wiawia kan.
24 Ma a pan pupedi, a sota pan lokidokila; pwe Ieowa kotin kolekidi i lim a.
25 NGai pulepul ap malar, a i saikenta kilanger me pung amen likidmalielar, de na kan poekipoeki prot.
26 A kin kadek ansau karos o kin men kisakis wei, o na kan pan paida.
27 Muei sang me sued ap wia me mau, koe ap pan mimieta nan sap o.
28 Pwe Ieowa kotin peren kida me pung, o a sota pan kotin likid maliela sapwilim a saraui kan; re pan nekinek kokolata, a kadaudok en me sapung kan pan kokoka sang.
29 Me pung kan pan sosoki sap o, ap mimieta kokolata.
30 Au en me pung amen kin kida me lolekong, o lo a kaparokki me pung.
31 Masan en a Kot mi nan mongiong i, a sota pan krisedi.
32 Me sapung kin masamasan me pung, pwen kamela i.
33 A Ieowa sota pan kotin mueid ong, en mi nan pa a kan, o a sota pan kotin kasela i, a lao pan pakadeikada.
34 Auiaui Ieowa o weweid nan a al akan, a ap pan kotin kasapwil uk ada, pwe koe en sosoki sap o; koe pan kilang, me sapung kan pan kokoka sang.
35 I kilanger me doo sang Kot amen, me katiwo o pwaida o maurada dueta tuka mau pot.
36 A ni at dauli wasa o, kilang, a soer mia; i idok duen i, a a solar kak diarokada.
37 Dadaurata om lelapok, o wiawia me pung; pwe song due met pan pwaida mau ni imwi.
38 A me katiwo kan pan wiaki eu lokidokila, o me sapung kan pan koka sang ni imwi.
39 A Ieowa kotin sauasa me pung kan, i me kele parail ni ar apwal akan.
40 O Ieowa pan kotin ieiang ir o pan dore ir ala; A pan kotin dore ir ala sang me sapung kan, o a pan sauasa ir, pwe re kin liki i.
Copyright information for `PONPDN