Psalms 48

IEOWA meid lapalap, o a indand mau melel nan kanim en atail Kot, pon sapwilim a dol saraui!
Meid kaselel en dol Sion a uda, me sap karos kin peren kida; ni pali apong kanim en nanamarki lapalap mimi ia.
Toun im kalaimun akan asa Kot, me i pere parail.
Pwe kilang, nanmarki kan pokon pena, ap daulul wei.
Irail puriamui kila ni ar kilanger mepukat; irail masapwekadar o tanger.
Irail rerer, o re masak dueta Ii pan naitik amen.
Kom kin kotin kawela sop en Tarsis ki an eng mas en lang.
Duen atail rongadar, iduen kitail kin kilangada nan kanim en Ieowa Sopaot, nan kanim en atail Kot; Kot kin kolekol i kokolata.
Maing Kot se kin tamataman da omui kalangan nan sapwilim ar tanpas im en kaudok.
10 Maing Kot duen mar omui iduen wau omui lel ni imwin sappa; pali maun omui kadeik kan.
11 Dol en Sion en pereperen, o nan Iuda seripein ko en insenemauki omui kadeik kan.
12 Komail kaidong kapil pena Sion, wadok im teng kan;
13 Kilekilang mau a kel takai kan, o kasakasaui a im kalaimun akan, pwe komail en kak kasoia ong men mur akan.
14 Me Kot me et, pan atail Kot ansau karos kokolata, A pan kotin kalua kitail kokolata.
Copyright information for `PONPDN