Psalms 57

MAING Kot, kom kotin maki ong ia, maki ong ia! Pwe ngen i kin kaporoporeki komui, o pan mot en lim omui i wasan ai maur, lao ansau apwal daulier.
I likwir ong Kot, me lapalapia, ong Kot, me kotin kaimwisokala ai kankangeranger.
A kotin poronedo sang nanlang sauas pa i ong me kanamenok ia, o me kin ngiringir ong ia. Kot pan kotin kadarado a kalangan o melel.
NGen i mi nan pung en laien akan, aramas rasong umpul en kisiniai; ni arail rasong katieu o kanangan kasik katieu, o lo arail rasong kodlas kong o.
Maing Kot, kom kotida ileila sang lang, o wau omui nan sappa karos.
Irail insarai ia nan al ai kan; re kin katoutoui ngen i; re weirada mo i por eu, ap pein pupedi ong lole.
Mongiong i insenemaular, Maing Kot, ngen i onoper ong kaul o kaping.
NGen i pirida! Kaul o arp pirida! I pan pirida nin soran.
Ieowa, i men danke ong komui nan wei kan; i pan kauli ong komui nan pung en aramas akan.
10 Pwe omui kalangan me laud dueta nanlang, o omui melel dueta tapok kan.
11 Maing Kot, kom kotida ileila sang lang, o wau omui lingan nan sappa karos.
Copyright information for `PONPDN