Psalms 75

Se kapinga komui, Maing Kot, se kapinga komui, pwe mar omui me koren, o omui manaman akan kaloki sili due.
Pwe ni a ansau I pan wiada kapung pung.
Sap o tou a kan kin rerer; a I kin kolekol a ur akan.
I indang me aklapalap akan: Komail der aklapalap! O ong me doo sang Kot akan: Komail der keleki omail manaman!
Komail der kaileilada mong omial, komail der kokaia sued ni omail aklapalap.
Pwe sota sauaspa sang ni mas en lang de kapin lang, de sang nana en sap tan.
Pwe Kot, me kin kadeikada, o me kin kasapwilidi amen, o kasapwilada amen.
Pwe dal eu mi nan lim en Ieowa, me dir en wain kelail, me a kotin kodidodie; a me doo sang Kot akan karos nan sappa pan nim sang, o re pan nimala moroke.
A I pan padapadak kokolata, o kaulion Kot en Iakop.
10 I pan kawela mana en me doo sang Kot akan karos, a mana en me pung kan pan kakairida.
Copyright information for `PONPDN