Psalms 84

MEID kaselel tanpas omui kan, Maing Ieowa Sepaot!
NGen i kin inong iong o anane pera en tanpas en leowa kan; pali war ai o ngen i kin polauleki Kot ieias.
Pwe manpir diaradar deu a, o swalpe pas a, wasa a kin naitik ia: Sapwilim omui pei saraui kan, Maing leowa Sepaot, ai Nanmarki o ai Kot.
Meid pai ir, me kin kauson nan tanpas omui! Re kin kapinga komui ansau karos.
Meid pai karos, me kin keleki komui, o idedauen komui melel.
Me kin weweid nan sap en mamaiei, wasa re kin weirad parer ia; pil katau kin pwain kidi i pai kan.
Re kin kakairida ni ar manaman akan, lao re pan sansalada mon Kot nan Sion.
Maing leowa, Kot Sepaot, kom kotin ereki ai kapakap: Maing Kot en Iakop kotin mangi ia!
Kot pere pat, kom kotin masan dong kit; kom kotin irerong mas en sapwilim omui keidier men.
10 Pwe ran ta ieu mon sapwilim omui pera saraui kan me mau sang ran kid; i mauki mimi pan wanim en tanpas en Kot, sang kauson nan im en me doo sang Kot akan.
11 Pwe Kot leowa rasong katipin o pere, leowa kin kotikida mak o wau, a sota pan kotin mueid ong me lelapok kan, en anane me mau kot.
12 Maing leowa Sepaot, meid pai aramas amen, me kin liki komui!
Copyright information for `PONPDN