Psalms 90

MAING, kom me kotin nekid pat sang eu kainok ong eu.
Mon nana kan o sappa, o aude pan sappa a wiauiada, Kot kotin mia, sang mas kokodo o pil kokolata soutuk, Maing Kot.
Kom kin kotin kapurelang pwel par aramas akan o kotin mamasani: Puredo komail aramas akan.
Pwe par kid dueta aio me samalar mon silang omui o rasong masamasan eu ni pong.
Kom kin kotin kapwil irail wei, re rasong mair, dueata ra, me kin mongedi madang.
Me kin masel pasan ni mansan, a ni soutik a pan palepaledi o monedi.
Omui ongiong me se kin sosore kidi, o omui ongiong melel, me se kin mekila madang.
Pwe kom kotin kasansale on pein komui dip at akan, o dip at rir akan nan marain en silang omui.
I me at ran akan karos kin tang weiki omui ongiong, at par akan rasong kasoi pot.
10 Warain at mour me saunpar iseisok, a ma re toto, a pan waleisok, a ma me kasampwal, a pan apwal o dodok. Pwe a kin tang wei madang, dueta kit kin pir wei.
11 A is me kak dedeki mana en omui ongiong, o is me kin masak ongiong wet?
12 Kom kotin padaki ong kit, me kit pan mela, pwe sen lolekongkila.
13 Maing Ieowa, kom kotin purong wukedoke dong kit; arai da omui ongiong? Kom kotin maki ong sapwilim omui ladu kan!
14 Kom kotin kadire kin kit ala ar kalangan ni mansan, kit ap pan kaping o pereperen arain at maur.
15 Kom kotin kaperen kit da murin at kalokoloker, o murin at kamekam warai.
16 Kom kotin kasale ong sapwilim omui ladu kanomui wiawia kan o omui wau ong na seri kan.
17 leowa at Kot, en kalangan dong kit o kotin kapwaiada dodok en pa at akan re at; ei kom kotin kapwaiada dodok en pa at akan!
Copyright information for `PONPDN