Psalms 91

ME kin momod pan lim en me lapalap, o me pan mimieta pan mot en me manaman o.
Iei me kin indang leowa: Ai paip, o ai kel, ai Kot, me i liki.
Pwe a pan kotin dore uk sang insar en sauninsar, o sang ni kilitop sued.
A pan kotin kadupal kin uk edi lim a, o koe pan moleilei pan lim a kan; a melel rasong kadauk o pere eu.
Koe sota pan masak kalom en ni pong, de kanangan kasik katieu, me kin tang wei nin ran,
De kilitop, me kin wawai sili pong, de eu song en kilitop me kin kaukawela nin sauas.
Kid pan mela imp om, o nen ni pali maun om, ap sota pan lel ong uk.
Koe pan kilangki mas om kan, o koe pan kilang duen a pan depuk ong me doo sang Kot akan.
Pwe komui Maing leowa, kapore pa i. Koe piladar me lapalap o, pwen om kel.
10 Sota me sued kot pan lel ong uk, o sota kalokolok pan lel ong im om.
11 Pwe a kotin kakaliki ong sapwilim a tounlang kan, en apapwali uk o sinsila uk nan al omui kan karos.
12 Re pan wa kin uk ala lim ar akan, pwe na om ender dipikelekel nin takai eu.
13 Koe pan tiakedi laien o oter kai, laien pulepul o serpent, me koe pan sok poa.
14 A kin peren kin ia, I ap pan sauasa i, a asa mar ai, I ap pan sinsila i.
15 A pan likwir dong ia, I ap pan sapeng i, I pan iang i ni wasa apwal, I pan kapitila i o kalingangada i.
16 I pan kamedi kin i maur warai, o I pan kasale ong i ai sauas.
Copyright information for `PONPDN