Psalms 92

IET me kasampwal: Danke leowa, o kauleki psalm akan ong mar omui, ir me kotin lapaplap.
Ni mansang omui kalangan o ni pong omui melel en lolok sili.
Sang kasang sal eisok o arp o laute.
Pwe kom kotin kaperen kin ia, Maing leowa ki ar wiawia; i pan ngisingiski dodok en lim ar akan.
Meid laud ar wiawia kan, Maing leowa! O meid lol kupur omui!
Aramas pweipwei men sota kak dedeki mepukat, o me rotorot amen sota kin insenoki.
Me doo sang Kot akan kin wosada dueta ra, o me katiwo kan karos kin masal pasang, lao re pan lokidokila kokolata.
A komui ta Maing leowa, me lapalapia, o komui pan duedueta.
Pwe kom kotin mangi duen ar imwintiti kan, Maing leowa, kom kotin mangi, ar imwintiti kan pan soredi, o me morsued akan en kamueit pasang.
10 A ai ose pan pwaida dueta os en man ose tapot, o i pan keikidier le kap.
11 O por en mas ai pan perenki ai imwintiti kan, o salong ai pan polauleki me morsued akan, me kin palian ia.
12 Me pung o pan pwaida mau dueta ni pot, a pan kakairida dueta seder en Lipanon.
13 Me patidier nan tanpas en leowa, pan pwaida mon pera saraui en atail Kot.
14 Menda ma re pan mala, pwe re pan pil masal pasang, o wa, o kelail.
15 Pwe re pan kasaleda, me Kot me pung, i ai paip o sota sapung mi re a.
Copyright information for `PONPDN