Revelation of John 12

KILEL lapalap eu pinnar nanlan: Li amen linaneki katipin, o maram pan na a, o a mareda usu eisokriau. A liseanlar, a weriwer en naitik, waiwairok en sapedokla san. Pil eu kilel pinnar nanlan: Kilan, drake lapalap waitata, mona me isu, o salon a eisok, o mar isu pon mon a. O a padaik urakiwei silekis eu en usu en lan, ap sipedi ir on sappa. O drake uda mon li o, me pan naitik, pwe lao a naitiker, a en katalala na seri. Ari, a naitikadar na seri ol, me pan kaun kida kainok karos sokon mata; ari, na seri peukadalan Kot on mol a, Li o tan won sap tan, me deu a onoper ren Kot, iei wasa o re kin kamana i ran kid riepuki woneisok. Mauin pwaidar nanlan. Mikael o sapwilim a tounlan kan mauini on drake o, o drake o na kan mauini on. A re so pwaida o solar deu ar nanlan. O drake lapalap pisikindila, iei serpent, me ad a Tewil o Satan, katiamau pan sappa karos, i me pisikindi lan sappa, o na kan ian i pisikindila. 10 O i roner nil lapalap eu nanlan indinda: Metet me pwaidar kamauapan, o wiauipan, o wei en atail Kot, o manaman en sapwilim a Kristus, pwe karaune pan ri atail pisikindila, me kin karaun kin irail mon Kot ni ran o ni pon. 11 A re kaloedi i aki ntan Sippul o, o pweki masan en ar kadededa lamalam; o re so pok on maur arail lao lel on mela. 12 I me lan en perenda, o komail me kaukauson lole! A mesued on sappa o madau, pwe tewil me kodilan komail, makarada kaualap, pwe a asa, me a ansau me motomot. 13 Drake o ni a kilaner, me a pisikindier sappa, a kansore li, me naitiker seri ol. 14 Pa riau en manpir ikel lapalap, me panalan li o, pwen pirlan deu a nan sap tan, wasa o a pan nekinek ia ansau eu, o ansau kan, o alep en ansau, doo san mas en serpent o, wasa a pan kamana ia. 15 A serpent o kusepoke wei san nan au a on li o pil, dueta pilap pot, pwen kapwiliki wei li o. 16 A sappa puporki li o, o sappa sara pasan au a nimala pilap o, me drake o kusepoke wei san nan au a. 17 O drake makar pan li o, ap kola, en mauini on luan kadaudok a, me kin nekidala kusoned en Kot akan o koledi kadede pan Iesus. A nai uda pon pik en oror.

Copyright information for `PONPDN