Revelation of John 3

INTIN won tounlan en momodisou en Sardes: let masan en me Nen en Kot isu o usu isu mi re a: I asa om wiawia kan, o me mar en maur mi re om, a so, koe melar. Pirida, katene me lua, me nok mela, pwe I sota diaradar, me om wiawia kan unsokela ren ai Kot. I me koe en tamanda, duen koe tunoler, o roner, o kanekid, o kalula. Ma koe sota pan pirida, I pan pwarado due lipirap amen, o koe pan sasa auer, me I pan pwara don uk. A mar malaulau mi re om nan Sardes, me sota kapwelepwel lar ar likau kan, re pan alialu re i nan likau puetepuet, pwe re kon on. Me dadaurata, pan kapwad kida likau puetepuet, o I sota pan irise san nan puk en maur mar a. O I pan kadede mar a mon Sam ni o mon na tounlan kan. Me salon a mia en ron, me Nen o masani on momodisou kan! Intin won tounlan en momodisou en Piladelpia: let masan en me saraui, me melel, me men kapir en Dawid mi re a, me kin ritinida, o sota amen, me kak ritinidi, o me kin ritinidi, o sota amen, me kak ritinida. I asa om wiawia kan. Kilan, I ki on uk er wanim ritidar eu o sota amen, me kak ritinidi, pwe om kel me tikitik, o koe kin Kanekid ai masan, o koe sota kamam kidar mar ai. Kilan, I kanain kin uk akai, me udan pwin en Satan, kisan irail, me akasus, a so, re likam. Kilan, I pan kainon ir do, en poni ni na om, o ren asa, me I kin pok on uk. 10 Aki om kanekid ai masan en kanonama, I pil pan kanekid uk ni auer en kasoneson, me pan udon toun sappa karos, en kasoneson irail, me kauson sappa. 11 I pan pwarado madan. Kolekol, me koe anekier, pwe sota amen en kulia san mar om. 12 Me dadaurata, I pan wiaki i ur eu nan tanpas en ai Kot, o a solar pan pedoi san kokolata. I pan intin po a mar en ai Kot, o ad en kanim en ai Kot, Ierusalem kap, me peidido san ai Kot nanlan o mar ai kap. 13 Me salon a mia, en ron, me Nen o masani on momodisou kan! 14 Intin won tounlan en momodisou en Laodisea: let masan en me maraneki Amen, me saunkadede lelapok melel, me tapin dodok en Kot. 15 I asa om wiawia kan, koe sota karakar o pil sota lamelamur. i men, koe en lamelamur de karakar! 16 Ari, koe me lou, a kaidin karakar de lamelamur, I ap pan mus kin uk wei san nan au ai. 17 Pwe koe inda: Nai kapwapwa, i anekier kapwa kan, o i sota kin anane meakot, ap sasa, me koe sakanekan, o so konekon, o samama, o maskun, o kiliso. 18 I panaui uk, koe en neti san ia kold linan, aki kisiniai, pwe koe en kapwapwala, o likau puetepuet, pwe koe en likauie uk, o kanamenok pan om kiliso der sansal, o wini en mas o, men elieliki mas om, en kilan wasa. 19 I kin kapun on o kaloke karos, me I pokepoke. Koe nantion kaula! 20 Kilan, I kin u pan wanim o letelet. Meamen pan ron nil ai, ap ritinida wanim o, I pan pedelon re a, ap ian i mot on ras saraui, o a ian ia. 21 Me dadaurata, I pan ki on i, en ian, ia mondi pon mol ai, dueta nai pil dadaurata, ap ian Sam ai mondi pon mol a. 22 Me salon a mia, i en ron, me Nen o masani on momodisou kan!

Copyright information for `PONPDN