Revelation of John 4

MURIN mepukat i kilaner kasansal eu: Kilan, wanim eu ritidar nanlan, o nil, me I roner mas, dueta koronete eu kasokasoi on ia: Koda don met! I pan kasale on uk, me pan wiaui mur en mepukat. Nai pitipit katia Nen. A kilan, mol eu mi nanlan, o amen kotidi pon mol o. A sansal en me kotidi poa rason takai Iaspis o Sardis o aia me liteui mol o, me sansal dueta takai smarakd. O mol o kapilki pena mol rieisok paieu, o lapalap riek pamen kotikot poa, likau kida likau puetepuet o nin kida nin kold. O san ni mol o liol, o nil akai, o nansapwe kai use wei san, o lamp isu umpumpul mon mol o, iei Nen isu en Kot. O mon mol o dueta sed eu, me rason klas o kristal, o nan waron en mol o, o impan mol o man maur pamen, me rok ki por en mas mo ar o mur ir. Man en mas me rason laien amen, o man kariamen rason kau ol amen, o man kasilimen kar i rason aramas, o man kapamen rason manpir ikel. O man maur pamen ko pa en pir wonu mi ren amen amen, me rokki por en mas ni kaila o lole, o re sota nenenla ni ran o ni pon, indinda: Me saraui, me saraui, me saraui, Kaun Kot, Kaun en meakaros, me kotikot mas, o me kotikot met, o me pan kotin pwarado. Ari man maur oko, lao pan kalinanada, o kakaki, o danke i me kotidi pon mol o, me ieias soutuk, 10 Me lapalap riek pamen ap pan poridi on i, me kotidi pon mol o, o re pan poni i, me ieias ata kokolata, o re pan pwilikidi mar ar mon mol o, indada: 11 Komui Main, at Kaun, o at Kot, me kon on, en linanla, o kakala, o manaman, pwe ir me kotin kapikadar meakan karos o pweki kupur omui re mia kier o wiaui kidar.

Copyright information for `PONPDN