Revelation of John 7

MURIN met i kilaner tounlan pamen uda ni kaim en sappa paieu kolekol an paieu en sappa, pwe an ender ipuip don sappa, de pon sed, de nin tuka pot. O i kilaner amen tounlan pwarada san ni mas en lan, kilelekidi kilel en Kot ieias. A likwirki nil laud on tounlan pamen, me udan kawela sap o sed, Indinda: Der kawela sappa de madau, de tuka kan, a lao kileledier ladu en at Kot akan ni tam ar! Nai ari ronadar arail wadok me kileledier me lop panen pakid san nin kainok en Israel akan karos. San ni kainok en Iuda nen riakid kileledier, san ni kainok en Rupen nen riakid, san ni kainok en Kat nen riakid, San ni kainok en Aser nen riakid, san ni kainok en Naptali nen riakid, san ni kainok en Manase nen riakid, San ni kainok en Simeon nen riakid, san ni kainok en Lewi nen riakid, san ni kainok en Isasar nen riakid, San ni kainok en Sepulon nen riakid, san ni kainok en Iosep nen riakid, san ni kainok en Peniamin nen riakid. Murin mepukat i kilaner pokon kalaimunia, sota amen me kak wadokedi san ni wei karos, o kainok karos, o men liki karos, o lokaia karos, o mon mol o, o mon Sippul likau kida likau puetepuet o paini ni lim ar, 10 O re nil laudeda indinda: Kot kamaur pat, me kaipokedi pon mol o o Sippul. 11 Tounlan karos u kapil pena mol o, o lapalap akan, o man pamen, irail pori kidi mas ar mon mol o, poni Kot, 12 Indinda: Amen! Pai, o linan, o erpit, o danke, o wau, o roson, o manaman on atail Kot kokolata! Amen. 13 O amen ren me lapalap akan sapen masani on ia: Is irail me likau kida likau puetepuet, o irail kodo san ia? 14 I ap potoan on i: Main, komui manier. A sapen ia: Ir me pwaida san ni kaan kamekam, o re lope ar likau, o kapwad kida ntan Sippul. 15 I me re mikier mon mol en Kot, o papa i ni ran o ni pon nan sapwilim a im en kaudok, o me kaipokedi pon mol o, pan apapwali irail. 16 Irail solar pan men mana potopoteta, o solar men nim pilada, o katipin solar pan daker ir, de eu son en karakar pan lel. 17 Pwe Sippul ni waron en mol o pan kotin wia sile parail, o a pan kalua ir won ni pil en maur, o Kot pan lim wei san pil en mas arail.

Copyright information for `PONPDN