Romans 14

KOMAIL apwali me luet ni poson o der kapin irail ada. Amen kin lamelame, en kankan son karos, a me luet kin kankan wan tuka. Meamen me kin kankan, ender mamaleki, me sota kin kan; o me so kin kankan, ender kadeikada me kin kan, pwe Kot kin apapwali i. Pwe is koe, me kin kadeikada en amen a ladu, pwe ma a pan uda de pupedi a pan nain a saumas eta. Melel, a pan pil uda, pwe Kaun o me kotin kak on kauada i. Amen kin pilada a ran kasampwal mon me tei kan, a amen ran karos dupeneta re a; a amen amen en pun ni a lamelame. Meamen me moaki ran eu, Kaun o me a moaki on, me kin mana, Kaun o me a mana on, pwe a kin danke Kot, o me sota mana, nan Kaun o me a so mana on, ap kin danke Kot. Pwe sota meamen re ’tail kin memaur ion pein i, o sota me kin mela on pein i. Pwe ma kitail memaur, Kaun o me kitail kin memaur ion, o kitail mela, Kaun o me kitail pan mela on, ari, kitail memaur de mela, sapwilim en Kaun o kitail. Pwe i me Kristus matalar ap iasadar, pwen kaunda me melar o memaur akan. 10 Ari, menda koe kin kadeikada ri om? De koe, menda koe mamaleki ri om? Pwe kitail karos pan wisikelan mol en kadeik en Kot; 11 Pwe a intinidier: Kaun o kaukila pein i masani: Na karos pan kelepuki on ia, o lo karos kadede Kot. 12 Nan i kitail karos pan weokada pein kitail on Kot. 13 Kitail ari ender kadeikada amen amen; a mak eta, kitail en kadeikada iet akan, ender ki on ri atail kasasepa de men kamakar. 14 Nai me lamedar o asadar pan Kaun lesus, me sota okotme me udan samin; a meamen, me kasamineki meakot, nan i me samin on. 15 Pwe ma ri om pan insensuedeki om kisin mana, koe sota kin weweid nin tiak en limpok; ender kawe kila om mana i, me Kristus mata kilar. 16 Komail ari kalaka, pwe omail wiawia mau de kalok sued: 17 Pwe wein Kot kaidin mana o nim, a pun, o popol, o peren ren Nen saraui. 18 Pwe me kin papa Kristus ni mepukat, i me pun ren Kot o pil konekon ren aramas akan. 19 Kitail ari en inon ion meakan, me kin kareda popol o kamakamaui kitail pena amen amen. 20 Koe ender kawe kila kisin mana wiawia en Kot. Ari, karos me min, ap sued on aramas amen, me luet ap manamana. 21 Me mau, koe ender kan uduk de nim wain, de wia meakot, me ri om ol pan pupe kidi, de makaraki, de kaluete kila. 22 A ma om poson mia ni mepukat, ari kamaui pein uk mon Kot Meid pai, me sota kin kadeikada pein i ki meakan, me a kin kasampwaleki. 23 A meamen, me peikasal ap mana, me pakadeikadar, pwe a sota tapi san poson. A karos me sota kin tapi san poson, iei dip.

Copyright information for `PONPDN