Romans 2

NAN i sota pakid pa om, aramas amen koe, amen amen me kin kadeikada, pwe ni om kadeikada amen, pein koe me koe kin kariala, pwe koe me kin kadeikada, kin wiawia me dueta. A kitail asaer, me kadeik en Kot me melel on ir, me kin wiada mepukat. A dadue aramas amen koe me kin kadeikada, me kin wiewia mepukat, ap wiada dueta, koe kiki on, me koe pan piti san kadeik en Kot? De koe mamaleki kalanan en Kot sapan, o a kanonama o papadake; koe sota asa, me kalanan en Kot kamaterok uk alan kalula? A koe ni monion om me katiwo o kakaluak, me koe ki penan uk onion on ni ran en onion o kasansal pan kadeik pun en Kot, Me pan kotia depuk on amen amen duen a wiawia kan. Irail me kin dadaurata ni ar wiawia mau kan o linan, o indand, o me so kin mor pasan, maur soutuk. A kamekam o wairok on irail me katiwo o so oke melel, a me kin oke sapun. O kanaudok o kalokolok on aramas karos, me wiadar sued, mas on Sus akan ap lel on men Krik. 10 A linan, o wau, o popol on amen amen, me kin wia mau, mas on Sus akan o pil on men Krik. 11 Pwe Kot sota kin lipilipil aramas amen. 12 Pwe karos me wiada diplikin kapun, pan lokidokila likin kapun, pil karos, me asa kapun, ap wiada dip, pan pakadeikada pan kapun. 13 Pwe kaidin me roneron kapun kan pahn pun kila mon Kot, a me kin anada kapun pan pun kila. 14 Pwe ma men liki, me sota arail kapun, ap pil wiawia tiak en kapun san nan pein irail, iei me irail, me sota arail kapun pein kapun arail. 15 Me kin kasansaleda wiawia en kapun me intinidier nan monion arail, i me insen arail pil kadedeki o ar lamalam, me irail sakara kida de kalole mau ki nan pun arail. 16 Lao ran o, me Kot pan kotiki on Iesus en kadeikada dip okiok kan ren aramas akan, duen ai ronamau. 17 A ma koe adaneki Sus amen, me kin liki kapun o suaiki Kot, 18 O asada kupur a, o koe pun kila lamalam, ni om padapadaki san nan kapun, 19 Koe me lameda, me koe itar on, en kalua wei me maskun akan, o kamarain pan me rotorot akan, 20 O saunkaian pan me lampon kan, o saunpadak en kisin seri kan, me asa tiak en lolekon o melel en kapun. 21 Ari, koe kin kawewe on amen, ap sota kin kawewe on pein uk, o koe kin padaki me ren der pirap, a koe kin pirap; 22 Koe kin inda, me aramas ender kamal, a koe kin kamal? Koe kin suedeki dikedik en ani mal akan, a koe kin pirap me sapwilim en Kot? 23 Koe kin suaiki kapun, a koe kin kisan Kot waui ni om tiakedi kapun? 24 Pwe mar en Kot kin mamale kila komail ren men liki kan, duen a intinidier. 25 Pwe sirkomsais me mau, ma koe aneda kapun; a ma koe tiakedi kapun, om sirkomsais pan sosirkomsais. 26 Nan i, me sosirkomsais, anada pun en kapun, daduen a sosirkomsais so pan wadok on i sirkomsais? 27 Ari, ma me udan sosirkomsais akan pan kapwaiada kapun, re sota pan kadeik uk ada? Pwe koe kin mi pan kisin likau o sirkomsais, ap tiakedi kapun o. 28 Pwe kaidin i Sus amen, ma pali liki ta, o pil kaidin i sirkomsais, me sirkomsais liki nan uduk eta. 29 A i Sus amen, me Sus en lole, o i sirkomsais, me mi nan monion i, ni nen e, a kaidin ni intin; me a kapinepa sota mi ren aramas akan pwe ren Kot.

Copyright information for `PONPDN