Romans 5

KITAIL ari pun kilar poson, ap popol ren Kot, pweki atail Kaun Iesus Kristus, Me kotin kasamo kitail ki poson on mak wet, me kitail aleer, ap kaporopor o suaiki linan en Kot, A kaidin i eta, pwe kitail pil suaiki at apwal akan, pwe kitail asa, me at apwal akan kin kareda kanonama; A kanonama kin kareda kakairida, a kakairida kin kareda kaporopor; A kaporopor sota kin kanamenokala, pwe limpok en Kot me wudokidi on nan monion atail ki Nen saraui, me kitail aleer. Pwe ni atail luet Kristus mata kin kitail, me doo san Kot akan ni ansau me kileledier. Pwe iaduen, amen pan mekila me pun amen? Ele pweki me mau amen, me amen pan mekila. A Kot kotin kasansalada a limpok on kitail ni en Kristus a mata kin kitail lar, ni ansaun atail dipan. Melel kaualap, ansau wet kitail kapun kilar nta; kitail ap kamaur kila i san ni onion. 10 A ma kitail kalolamaui on Kot ki en sapwilim a Ol a matala ni atail imwintiti, nan melel kaualap murin atail kalolamaui kitail pan dorela ki a ieias, 11 A kaidin i eta, pwe kitail pil suaiki Kot ren atail Kaun Iesus Kristus, me kitail paieki tom patail. 12 Ari, duen aramas ta men, me dip tapiki don sappa, ap tialan mela, o mela lel penan aramas akan karos, pwe karos me wiadar dip, 13 Pwe dip mi nan sappa mon kupun, a sota kapun pan dip, ma sota kapun, 14 Ari so, mela wiauiada san Adam lel Moses, pil ren me so wiadar dip laud dueta sapun en Adam, iei me mom en me pan pwarado. 15 A pai en mak kaidin dueta dip, pwe ma dip en meta men me toto mekila, nan melel kaualap mak en Kot o pai en mak san ren aramas ta men lesus Kristus itar on me toto. 16 A pai o kaidin dueta met, me wiauier ren amen, me wiadar dip, pwe kadeik o tapi saner me ta men, pwen kalokolok, a pai en mak o kin lapwada dip toto, pwen punala. 17 Pwe ma dip en me ta men mela poekidier, nan melel kaualap, irail me pan ale mak o pai en pun, pan poedi o mamaureki me ta men: lesus Kristus. 18 A duen dip en me ta men aramas akan karos me kadeik ki on mela, i dueta pun ta ieu itar on kapun kila aramas akan karos, en kamaurela. 19 Pwe duen sopeik en aramas ta men me toto wia kilar dipan, iduen peik en meta men me toto pun kilar. 20 A kapun pil wiauier, pwe dip en kadiarok kidar, a wasa me dip paraparada ia, iei wasa mak o laude saner. 21 Pwe duen dip dialan mela, iduen mak o pun pan dialan maur soutuk ki lesus Kristus atail Kaun.

Copyright information for `PONPDN