Revelation of John 15

Dipatoka pitu hupanna kamapi'disam kasalle

15:1-8

Puhai ia too, kuita pole oom yabo suhuga mesa tanda memängä-mängä tä' deem la susinna. Pitu malaika' umbaba pitu kamapi'disam kasalle. Iam too inde katampasanna ingganna kamapi'disam, aka puhai too indo pitu hupanna, iya suppi'um ingganna aha'na Puang Allataala. Mane kuitai susi dahammim sihau api, pada le'bo' kalua'na. Anna dio bihinna indo dahammim pada le'bo' kuita buda tau ke'de'. Iam too indo to puha untaloi indo olo'-olo' to peande anna tä' deem napenombai susi kalena teem pa'pasusianna, anna tä' toi napake indo tanda bilanganna sanganna. Tau ia too umposanda katapi nabeem Puang Allataala anna umpenaniam penanianna Musa,
15:3penanianna Musa:Täss 15:1-18.
sabua'na Puang Allataala, anna penanianna indo Änä' Domba naua:

“O Puang Allataala To Handam Kuasa,
Memämängä-mängä ingganna pengkähängammu
anna tä' deem la susinna.
O Tomahajanna mentu'na ma'hupatau,
malolo anna mapia ingganna ulalammu.
O Debata, mennangka tä' la ungkahea'ko,
anna mennangka tä' la umpuji kamatandeanna sangammu?
Aka anggam iko maseho.
Ingganna hupatau illaam lino la sule napenombaiko
aka makalesom naita kamaloloanna ulalammu.”
Puhai ia too, iya kuitam yabo suhuga titungka' ba'bana Banua Debata battu diua indo Bahum si naongei pa'dandianna Puang Allataala.
15:5Bahum si naongei pa'dandianna Puang Allataala:Täss 25:8-9; 29:44-46.
Iya messubummi illaam mai indo Banua Debata indo pitu malaika' umbaba pitu kamapi'disam kasalle. Sangngim ma'poheba mabusa millo' anna mapattim, dibeke' sampim bulabam dadanna. Iya deemmi mesa indo appa' to ma'penaba untandoi lako indo pitu malaika' sandai si mesa tubum bulabam ponno aha' kasallena Puang Allataala to tubo sule lako salako-lakona. Iya ponnom hambu indo Banua Debata tanda kamatandeanna anna kakuasaanna Puang Allataala. Anna tä' deem mesa tau la mala tama indo Banua Debata ke tä'i puha asam dadi indo pitu hupanna kamapi'disam kasalle nababa indo pitu malaika'.

Copyright information for `PTU