Mark 8

Yesu tamowai 4000 ye hekaidi

(Mataiyo 15:32-39)

Huya hesau boda se tupagogoi uyoma na nige kadi kai. Ede Yesu yona hekahekatao ye yoganedi na ye hededelau udiyedi ye wane, “Boda lakilaki ta ya katekamkamnaedi, matawuwuna mayadai haiyona maiyaguwao ka miyamiya na nige saha hesau ye miya bena kabo se kai. Ena taba ma hasalidi na ya hetamalidi, meta kabo keda ne unai matadi se kamumu na se guli, matawuwuna hekadiyao keda lohaloha udiyedi se laoma.” Yona hekahekatao se hededelau unai se wane, “Teina balabala gaibu. Na kabo haedi kai ta hai na boda lakilaki ta ta hekaidi?” Yesu ye henamailau udiyedi ye wane, “Kami pwalawa hisa?” Siya se wane, “Haligigi-labui.” Na ye hedede boda wa se tuli bwatano unai. Na kabo pwalawa haligigi-labui wa ye haidi na Yaubada ye lautokiyei, na kabo ye kihidi na ye mosedi yona hekahekatao udiyedi, na se soiyedi. Yo hinage yona hekahekatao yama gagilidi hekadi se haidi, ede Yaubada unai ye lautoki uyo, na kabo ye mosedi na se soiyedi. Maudoidi se kaikai na bogadi se sese. Yesu yona hekahekatao kaitole wa se tanogogoidi, meta bosa haligigi-labui se hemwayaudi. Nuwana taukaikai wa badodi ede 4000. Na kabo ye hetamalidi se lau. 10 Na yona hekahekatao wa maiyanao se gelu mwamwayau se lau Dalemanuta magaina tehana unai.

Paliseya tamowaidi hekihekinoi se kaibwadai

(Mataiyo 16:1-4)

11 Na Paliseya tamowaidi se laoma, na se hetubu Yesu maiyadi se haikawayagala. Siya se henuwa bena se laukita na se kita ena iya galewa unai ye dobima, unai hekihekinoi se kaibwada kalina wai. 12 Yesu nuwana ye kamkamna, na ye wane, “Mata wuwuna saha to teina isi ta hekihekinoi se kaibwadai? Ya hedede mamohoi, taba nige hekihekinoi hesau ya ginauli teina komiu isi ta kalimiu wai.” 13 Na kabo ye laugabaedi waga wa unai ye gelu uyo na ye lau halitana kawasi ne.

Paliseya yo Heloda yodi yisti debana wai Yesu yona hekahekatao ye guguyaidi

(Mataiyo 16:5-12)

14 Yesu yona hekahekatao nuwadi se luluhi na nige kai se bahei, na pwalawa kesega mo waga wa unai. 15 Yesu ye guguyaidi ye wane, “Kwa nanabu! Tabu Paliseya yo Heloda yodi yisti
8:15 Dius tamowaidi yisti se heyaheyasoniyei doha lauhekata namwanamwadi o yababadi hetadadadi udiyedi.
udiyedi se lupohaigomiu!”
16 Na siya se bom yodi se hedehedede se wane, “Doha teina ye hedehedede, matawuwuna ede nige pwalawa ta bahei.” 17 Yodi hedehedede wa Yesu ye nuwatulobai, unai ye wane, “Idohagi to kwa wane, ‘Nige pwalawa ta bahei’? Nuwana sola nige kwa kitalobai yo nuwamiu sola nige se masalaha? Idohagi to kwa nuwa kwailolo? 18 Idohagi to matamiu udiyedi nige kwa kita yo beyamiu udiyedi nige kwa lapui? Taba kwa nuwatulobai! 19 Huyana pwalawa haligigi ya kihidi, na tamowai 5000 ya hekaidi, na kaitoledi wa meta bosa hisa kwa usa hemwayaudi?” Siya se wane, “Saudoudoi-labui.” 20 “Yo pwalawa haligigi-labui ya kihidi na tamowai 4000 ya hekaidi, na kaitoledi wa meta bosa hisa kwa usa hemwayaudi?” Se wane, “Haligigi-labui.” 21 Yesu ye hededelau udiyedi ye wane, “Unai taba kwa nuwatulobai yisti hedehededena ya hededeyako kalimiu wai.”

Yesu tamowai mata gibugibuna hesau ye henamwanamwa

22 Na kabo Yesu maiyana hekahekatao se lage Betesaida. Temenai tamowai hesau mata gibugibuna se woyaiyama Yesu unai na se kaibwadai bena ye kabilau iya unai. 23 Yesu tamowai mata gibugibuna wa nimana unai ye kabi ye woyalae magai dagelana unai. Na kabo Yesu ye kaisolau tamowai wa matana unai na nimana ye tolesae na ye wane, “Saha hesau ku kita e nige?” 24 Tamowai wa ye kaikewa takikili na ye wane, “Tamowai ya kitadi kadi kao doha kaiwa se taitaihile usi.” 25 Yesu nimana ye tolesae uyoi tamowai wa matana unai. Na matana wa se lala yo se nega. Ede kabo ginauli maudoidi ye kita namwanamwaedi. 26 Na Yesu tamowai wa ye hetamali ye lau yona numa na ye wane, “Tabu ku uyo magai ne unai.”

Petelo Yesu ye hededehemasalaha meta iya Keliso

(Mataiyo 16:13-20; Luka 9:18-21)

27 Na kabo Yesu maiyana hekahekatao se lau magai udiyedi Sisaliya Pilipi dedekana unai. Yodi kabalau ne unai Yesu ye henamai udiyedi ye wane, “Tamowai se wane, yau meta kaiteya?” 28 Siya Yesu kalinana se bui se wane, “Hekadi se wane, Yowane Babatiso, na hekadi se wane, Eliya. Hekadi se wane, peloweta hesau.” 29 Unai kabo ye henamaiyedi, “Na komiu kabo saha kwa hedede, yau meta kaiteya?” Na Petelo ye wane, “Kowa meta Keliso
7:29 Keliso kaniyona ede ‘Yaubada yona kaisunuwa tamowaina iya tauhemahemauli’.
.”
30 Ede Yesu ye guguyaidi bena tabu tamowai hesau yona se hedehedede.

Yesu yona boita yo tolouyo ye hededehemasalaha

(Mataiyo 16:21-33; Luka 9:22)

31 Na kabo Yesu ye hetubu yona hekahekatao ye hekatadi meta Tau Natuna kabo ye kamkamna ginauli maudoidi udiyedi. Na tamowai lakilakidi, taukaitalasam babadadi, yo laugagayo taulauhekata iya kabo se laukwatakwataei. Na kabo se unuhemwaloi na mayadai haiyona mulidi wai kabo ye tolouyo. 32 Yesu ye hededehemasalaha namwanamwaei, unai Petelo Yesu ye woya hesuwala na ye wane, “Tabu temeta doha ku hedehedede.” 33 Yesu ye tolobui ye kitalau yona hekahekatao wa udiyedi na ye hedede bayao Petelo unai ye wane, “Ku tausuwalawa, kowa Satani. Temeta nuwatu me nige Yaubada unai ye laoma, na tamowai siya yodi nuwanuwatu.”

Yesu idohagi hemuhemuliwatanina

(Mataiyo 16:24-28; Luka 9:23-27)

34 Na kabo boda wa ye yoganedi se laoma yona hekahekatao maiyadiyao na ye hededelau udiyedi ye wane, “Ena kaiteya ye henuwa bena ye hemuliwatanigau, meta tanoubu ta maulina ye nuwagabaei, yona sataulo ye bahei na ye hemuliwatanigau. 35 Ena tanoubu ta maulina ye gadosisiyei, meta yona mauli namwanamwana kabo ye tauwadam. Ena tanoubu ta maulina ye nuwagabaei yau yo ewaneliya
7:35 Ewaneliya kaniyona ede ‘Yesu wasana namwanamwana’.
debamai wai, kabo mauli namwanamwana ye lobai.
36 Taba tamowai hesau tanoubu ginaulidi maudoidi ye haidi, na yona mauli namwanamwana ye tauwadam, meta yona namwa saha? 37 Saha namwanamwana unai kabo yona mauli ne ye hai uyoi? 38 Ena hesau teina isi ganaganawalina
8:38 Yesu ye hedede siya isi ganaganawalina, matawuwuna yodi hekasisi Yaubada unai meta kana kao doha maitawasola mwanena nige ye hekasisiyei. Kaniyona ede teina isi ta Yaubada nige se hekasisiyei yo nige se mode yona laugagayo udiyedi.
yo yabayababana ta unai ye mwadineigau yo yogu hedehedede ta unai ye mwadine, Tau Natuna hinage kabo ye mwadinei huyana ye uyoma Tamana yona namanamali unai maiyana yona anelu tabudiyao.”

Copyright information for `SBE