1 Corinthians 12

Earua ena ainauia. (14) Taunuabui ede Keriso Tauna eauna esau, iabom ena ainauia, eo iabom ana paisoa se tauribaei.

Earua ena ainauia, egu tataoyao e, nige ea henua au supusupuedi. Au nuatui huia ne omi etene, se woeahaimiu oitau monomonoudi dobiladi eai, doha edi woeawoeaimiu wa. Arinai ea lauhasahasaimiu ta, taba nige esau Eaubada Earuana gigiborina eai i ribariba, na Iesu i ribahebaaea, eo taba nige esau i riba i ene Iesu ia Guiau ede, na Earua Tabuna gigiborina eai mo.

Ainauiana udoi udoi, na Earuana esega mo; heaeai paisoana udoi udoi, na Eaubada esega, ia nuadi eai ginauri gamagaridi tau‐hepaisoaedi ede. Na esau esau arinai Earua i hemasarahauioi, gamagarida bena i heloloda. Esau arinai sonoga ribana se mosei, Earua debana eai, esau nuatu i ribahemasaraha, Earua esegana debana eai, esau arinai sunuma, Earua esegana debana eai, eo esau asiebo i helolouioidi, Earua esegana debana eai, 10 eo esau arinai laulau gigibori hepahepaisoaina, esau arinai riba‐peroveta, esau arinai earua udodoi itahinehinerina, esau arinai arina udodoi, eo esau arina udodoi ribaribabuina. 11 Ina ginauri gamagaridi ta Earua esegana ia tauhetubudi, esega dumadumana, esau esau enana i soiei, iabom ena nuatu eai.

12 Doha tauna esega eai eauna udoi udoi se gamagari, se gamagari ia mo taudi esegana ede, gonogonoana doha ede Keriso 13 Earua esegana eai ita gamagarida se hebapatisoida, eda tupo ta lobai ia tauna wa esegana boeana eai — ita Iudea e, Heleni e, tau‐auau tataoda e, se iairihaida e — eo gamagarida eda abanomnom esega, Earua esegana eai wa.

14 Tauna nige eauna esega mo, na se gamagari. 15 Ena taba aena i ene, “Paana eau nige nima, besi egu tupo nige’e tauna boeana eai,” mamohoi wa, ia tauna tupona nige’e? 16 Ena taba beana i ene, “Paana eau nige mata, besi egu tupo nige’e tauna boeana eai,” mamohoi wa, ia tauna tupona nige’e? 17 Taba tauna maudoina ede mata mo, haedi ena aba‐ataataiei? Taba tauna maudoina ataataiei mo, haedi ena aba panepane? 18 Na Eaubada wau eaudi udoi udoi, esau esau ie tore tauna boeana eai, ia ena nuatu eai. 19 Taba maudoudoina ede eauna esega mo, tauna abo edohana? 20 Na mamohoi eauna se gamagari, na tauna mo esegana. 21 Mata taba nige i ribalau nima arinai i ene, “Arigu eai nige am paisoa,” e uru i ribalau ae arinai i ene, “Arigu eai nige am paisoa.” 22 Na eaudi headi ta ene se beruberu ariri, isi aridi eai ta duihasari ariri ede, 23 eo tauda eaudi headi nige ta heasisidaoiedi, isi ede ta abikomakomanidi, eo tauda tupo headi adi ao nige se lolo, isi ede ta heasisiaririedi, 24 doha eda tupo lolodi nige ta mode ariri aridi eai. Eaubada tauda i tore‐esegaidi, tupo headi se dobidobi i hedebasaedi ede, 25 bena tauda eai tabu hinehinerina, eaudi udoi udoi abo se haisagusaguuioidi, se heona gonogonoauioidi. 26 Eauna esega i baaea, eanua gamagaridi abo se amamna hinage; eauna esega se helolo, abo eauna gamagaridi maena se kode‐esega.

27 Keriso tauna ede omi, eo eauna udoi udoi omi esau eo esau. 28 Eo isi Eaubada i hetorodi ena ekalesia boeana eai, bagubagunadi ede aposotolo, helabuina peroveta, hehaionana taulauheata, abotai laulau gigibori eo asiebo helolona ainauiana, tauhaisagusagu, tauwoeawoea, arina udoi udoi tauribaribaedi. 29 Gamagaridi nige se aposotolo, gamagaridi nige peroveta, gamagaridi nige taulauheata, gamagaridi nige gigibori laulaudi se abidi. 30 Gamagaridi nige ainauiana wa se abi bena asiebo se helolodi, gamagaridi nige arina udoi udoi eai se ribariba, gamagaridi nige arina udoi tauribabuidi. 31 Na ainauia saesaeariridi, meta mo bena au henuaaririedi.

Na sora dobila esau lolo‐dumadumana ede, hage ina ea heitamiu:

Copyright information for `SWP