Psalms 126

Hetorouio lautoina

Huiana eai wa GUIAU Siona ena lolo i heharihariu,
ita ada ao doha tau enosuai.
Abo maruhi awada i hemonaudi,
eo memenada eai ta wowo ma kodeda.
Abo eanua headi taumiaidi si ene,
“GUIAU ginauri lailaidi enadi i ginauridi.”
GUIAU ginauri lailaidi enada i ginauridi;
arinai ta kode ariri.

Ema dobila bena u heharihariudi, GUIAU e,
doha goila se dididi Negeb barabarana eai!
Tatao wa tuma se lauhesuru ma matasurudi
abotai abo se tanogogo eo se wowo ma kodedi!
Ia ma douna i torohai,
tuma i bahei bena i hesuru,
abo i uioma ena numa eai ie wowo ma kodena,
nimana eai sitona augogodi i baheidima.
Copyright information for `SWP