Psalms 8

Eaubada Namanamarina eo Tau heasisina

GUIAU, tanuagamai e,
tanoubu maudoina eai oa esam i sae ariariri!

Galewa ewana eai oa namanamarim se wanai
kaimou gagiridi, taumadomado awadi eai,
iala numana adiadidirina u hetoro em waiunu debadi eai,
waiunu eo tauabigum em abahemonoudi.
Ena ea itasae em galewa eai, oa nimagigim paisoadi,
nawarai eo ipora hinage oa tautoredi;
tau ede saha bena oa u nuanuatui,
eo tau natuna eai bena oa u abiloloei?

Taiede oa u ginauri Eaubada ia begana mo i hemuri,
eo namanamari eai eo heasisina eai ia u hekorona.
Oa nimam eai ginauri gamagaridi u ginauridi wa u mosedio ia
tanuagadi eai ie lau;
ginauri gamagaridi ia aena ubudi eai ue toredi,
mamoe eo bulumakau gamagamagaridi,
eo nuura suisuidi hinage,
ewa manudi eo gabogabo eamadi,
eo ginauri gamagaridi gabogabo dobiladi eai se laulau.

GUIAU, tanuagamai e,
tanoubu maudoina eai oa esam i sae ariariri!
Copyright information for `SWP