Genesis 5

Adaamura anku okara

Adaamura anku okara vaireva, maantimama vairo: Kotiva vaiinti autu kareva iharo viva nai voqaara autu kero vatora. Viva vaiinti nahenti vitanta autu kero vitanta quahama nimitero vitantara vaiintive nahentive tura.

Ho Adaamuva 130 ihi vara kero qorainti vainti vo vatatovaro vi vaiintiva nai qora voqaara vauvaro vira autu nteharo, Setirave, tura.

Setira vatato entaraqaahairo Adaamuva 800 ihi varaqiro viharo vo vainti vo vainti, qoraintivata nahentivata vataqiro vi vaura. Adaamuva maa vataraqaa 930 ihi qaqi variqiro viviro, vuru qutu vura.

Setiva 105 ihi vara kero viva qorainti vainti Enosira vatatora. Viva Enosira vatato entaraqaahairo 807 ihi varaqiro viharo vo vainti vo vainti, qoraintivata nahentivata vataqiro vi vaura. Setiva 912 ihi qaqi varaqiro viviro, vuru qutu vura.

Enosiva 90 ihi vara kero viva qorainti vainti Kenaanira vatatora.

10 Viva Kenaanira vatato entaraqaahairo 815 ihi varaqiro viharo vo vainti vo vainti, qoraintivata nahentivata vataqiro vi vaura.

11 Enosiva 905 ihi qaqi variqiro viviro, vuru qutu vura.

12 Kenaaniva 70 ihi vara kero viva qorainti vainti Mahararerira vatatora.

13 Viva Mahararerira vatato entaraqaahairo 840 ihi varaqiro viharo vo vainti vo vainti, qoraintivata nahentivata vataqiro vi vaura. 14 Kenaaniva 910 ihi qaqi varaqiro viviro, vuru qutu vura.

15 Maharareriva 65 ihi vara kero viva qorainti vainti Jaretira vatatora.

16 Viva Jaretira vatato entaraqaahairo 830 ihi varaqiro viharo vo vainti vo vainti, qoraintivata nahentivata vataqiro vi vaura. 17 Maharareriva 895 ihi qaqi variqiro viviro, vuru qutu vura.

18 Jaretiva 162 ihi vara kero qorainti vainti Enokira vatatora. 19 Viva Enokira vatato entaraqaahairo 800 ihi varaqiro viharo vo vainti vo vainti, qoraintivata nahentivata vataqiro vi vaura. 20 Jaretiva 962 ihi qaqi variqiro viviro, vuru qutu vura.

21 Enokiva 65 ihi vara kero qorainti vainti Metuseraara vatatora. 22 Viva Metuseraara vatato entaraqaahairo 300 ihi varaqiro viharo vo vainti vo vainti, qoraintivata nahentivata vataqiro vi vaura. 23 Enokiva 365 ihi qaqi variqiro vi vaura. 24 Enokiva Kotira avuqaa koqema kero ni vauvaro Kotiva vira vita varovarora tiro, viva maa vataraqaahairo tuqaakuma vura.

25 Metuseraava 187 ihi vara kero qorainti vainti Lamekira vatatora. 26 Viva Lamekira vatato entaraqaahairo 782 ihi varaqiro viharo vo vainti vo vainti, qoraintivata nahentivata vataqiro vi vaura.

27 Metuseraava 969 ihi qaqi variqiro viviro, vuru qutu vura.

28 Lamekiva 182 ihi vara kero qorainti vainti vatatero 29 vira autu nteharo, Noaarave, tivakero mintima tiro: Noravano Kotiva Adaamura atiharo maa vatava qoraiqamama vuanarove tura kaara tenavu vukaari utiha kara utu namaqi vi vaunarave. Ho maa vaintiva noruqama viro tinavu kahaqairaro vuaqa ntairaqe tenavu vi kaiqara varaare, tura.

30 Noaara vatato entaraqaahairo Lamekiva 595 ihi varaqiro viharo vo vainti vo vainti, qoraintivata nahentivata vataqiro vi vaura. 31 Lamekiva 777 ihi qaqi variqiro viviro vuru qutu vura.

Noaava 500 ihi vara kero Semiravata Haamuravata Iapetiravata vatatora.

32 

Vaiinti nahenti voqamake qora kaiqa vare vaura

Copyright information for `TBG