Judges 13

Samsonira vatatora

Qaiqaa Isareri vika Nora Kotira uva raqaqi vura kaara Noravano qaqi komanta Pirisia vatanaaka 40 ihiara vikaqaa raqiki vaura. Vi entara vaiinti vo, vira autu Manoaava, Sora vatukaqi vaura. Viva Daanira vohaa anku vauvaro vira naatavano qaqinaahiara/qururaiqama viro kia vainti vataraitiro, vaura.

Noravano Kotiva atitoenseliva vira avuqaa qovarama viro tiharo, Arenaahiara/qururaiqama vira kia vainti vataraitira variarava, are vainti taiqama vira qorainti vainti vatatenarave.

Virara irihara raurihara variane. Kiauainive, vo iha namarive, naane. Kotiva qioqama tai karara kia naane. Ai maaquvano Kotiva kaama taina kaiqara varaarira vaiintivama variainarara ti, vira vatatena entaraqaahai kia vira qiata kauhi toqa kaate. Viva Pirisia kauquqihairo Isareri ruaruama nimitaina kaiqara hoqarama taanarove, tiro.

Minti tuvaro nahenti viva vuru nai vaati tiva amiro tiharo, Kotiva atitai vaiintiva te unanaini anitairave. Vira virivano Kotiraenseli viri voqaara vaivaro ti haatu itairave. Te kia virara taihairae aniaro? turaro viva kia nai autu ntava timivo.

Viva kia minti tiraitiro, tiriara tiharo, Are vainti taiqama vira qorainti vainti vatatenarave. Raurihara variane. Vira vatatena entaraqaahairo ai maaquvano nai qaqi vaina entara Kotiva kaama taina kaiqara varaqiro vuainarara tira, are kiauainive, vo iha namarive, naane. Kotiva qioqama tai karara kia naane tirave, tiro.

Minti tuvaro Manoaava Nora Kotira aarero tiharo, Mpo, Noravauvo, qaqi kairaro are atitaana vaiintiva qaiqaa orurantero tetanta iainanaini tuvu titanta uva tiva timiraqe tetanta naantiara vatataaina vaintira koqemake raqiki variariraro noruqama vuarire, tiro.

Minti tuvaro Kotiva Manoaava tunte uvaroenseliviva orurantero nahentivano naahoqi vauraqi tuvura. Viva tuvuvaro vira vaativano kia vikantiro mini vaura.

10 Enselivano tuvu ntovaro nahentivano kantero nai vaati tiva amireva oruntero virara tiharo, Ike, viva tuvu vaivo. Ti avuqaa qovaramavi vaiintiva qaiqaa tuvu ntaivo, tiro.

11 Minti tuvaro Manoaava himpiro nai naata avata varero, vi vaiintiva vaunaini oruntero vira irero tiharo, Are ti naatantira uva tiaravae variaro? tuvaro viva tiharo, Te maa vikave, tiro.

12 Minti tuvaro Manoaava vira irero tiharo, Ho ai uvavano vivau vaina entara tetanta nana kaiqae vira umiqaqi virarave? Viva nana kaiqae varaqiro vuanarove? tiro.

13 Minti tuvaro Noravano atitoenseliva nai tiva amiro tiharo, Ai naatavano te tiva tauna uvara iriqiro vuarire. 14 Vivauainitava kia naarire. Vivauainive, vo iha namarive, Kotiva qioqama tai kararave, kia naarire. Viva ekaa uva te vira tiva amunara avataqiro vuarire, tiro.

15 Minti tuvaro Manoaava Noravano atitoenselirara tiharo, Ho kia vuane. Are qaqi kairaqe tetanta memeraa naati vo ai unta amiare, tiro.

16 Viva Noravano atitoenselira vataakero uva ti vaurara kia kankomakero iruvaroenselivano virara tiharo, Te maini variarera, te kia ai kara narerave. Are vi karara qerama vatairera, Nora Kotira viofaara iha quara amitaane, tiro.

17 Minti tuvaro Manoaava Noravano atitoenselirara tiharo, Ho nena autu ntairaqe tetanta are tiana uvava qovaraiqiaina entara ai autu tuahera kaare, tuvaro 18 viva tiharo, Nantivarae ti hutuara iraaro? Ti hutu voqaraa autu vairara tira, are kia ho virara kankomakera irinarave, tiro.

19 Minti tuvaro Manoaavaofaa autireva iharo, memeraa naati vo varakero,uiti vonavuvata varero, Nora Kotira nora oriqaa iha quara amitora. Ho Manoaava nai naatantiro tave vauvaro Noravano Kotiva aahuva kaiqa vara nimitora.

20 Vitanta tave vauvaro ihavano voqamakero iteharo auru vakaa vakaa i vauvaro Noravano atitoenseliva ihaqira naaruvaini vura. Manoaava nai naatantiro vira tave, vitanta vataini hiqintivi naitanta viri vataini ke vaura. 21 Manoaara aato kenko tuvaro irivuvaro vi vaiintiva Noravano atitoenseliva vaura. Hoenseli viva kia qaiqaavata vitanta avuqaa qovarama vura.

22 Manoaava nai naatara tiharo, Oho, tetanta variqa vo tavaunara kaara qutuma virarave, tuvaro 23 vira naatavano aqao tiro, Noravano Kotiva titanta arukareva itirio, viva tetantaofaa iha quara amitaunara kia varero nai nora kaiqavata kiama titanta humiqaitirio. Viva kiama tiriara are qorainti vainti vatenarave titirio, tura.

24 Ho nahenti viva variro qorainti vainti vatatero vira autu nteharo Samsonirave tura. Vi vaintiva noruqama vuvaro Noravano Kotiva vira koqema amite vaura.

25 Samsoniva Mahane-Daani vatukaqi vau entara Nora Kotira Maraquravano hoqaramatero vira kempukaiqama amite vaura. Sora vatuka hini vauvaro Estaolira vatuka hini vauvaro Mahane-Daani tavaarana vaura.

Copyright information for `TBG