Nehemiah 10

Minti tivake maa vaiintinavuka nái nutu vi uvaraqaa qara ntuvatora:

  • Hakariaara maaqu Kamaanira avuhainaa vaiinti Nehemiava.
Kotira kaiqa vara amite vau vaiintinavuka:

  • Sedekaiava.
Seraiaava, Asariaava, Jeremaiaava,
  • Pasuriva, Amariaava, Malakiaava,
  • Hatusiva, Sebaninaava, Malukiva,
  • Harimuva, Merimotiva, Obadiaava,
  • Danieriva, Ginetoniva, Barukiva,
  • Mesulaamiva, Abiaava, Mijaminiva,
  • Masiaava, Biligaiva, Semaiaava.
Rivaira anku vaiintinavu:

  • Asaniaara maaqu Jesuaava, Henadaatira anku Binuiva, Katmieliva,
10 
  • Sebaniaava, Hodiaava, Kelitaava, Pelaiaava, Hanaaniva,
11 
  • Mikaava, Rehopiva, Hasabiaava,
12 
  • Sakuriva, Serebiaava, vo Sebaniaava,
13 
  • vo Hodiaava, Baniva, Beninuva.
14 Nora vaiintinavu:

  • Parosiva, Pahati-Moapiva, Elaamuva, Satuva, Baniva,
15 
  • Buniva, Asagaativa, Bebaiva,
16 
  • Adoniaava, Bikivaiva, Adiniva,
17 
  • Ateva, Hesekiaava, Asuva,
18 
  • Hodiaava, Hasumuva, Besaiva,
19 
  • Haripiva, Anatotiva, Nebaativa,
20 
  • Makapiaasiva, Mesulaamiva, Hesiva,
21 
  • Mesesabeliva, Sadokiva, Jaduaava,
22 
  • Pelatiaava, Hanaaniva, Anaiaava,
23 
  • Hoseaava, Hanaaniava, Hasupuva,
24 
  • Halohesiva, Pilhaava, Sobekiva,
25 
  • Rehumiva, Hasapanaava, Maseaava,
26 
  • Ahiaava, vo Hanaaniva, Anaaniva,
27 
  • Malukiva, Harimuva, Baanava.
Vi vaiintika nái nutu vi uvaraqaa qara ntuvatora.

Vika vohaa uva vateha qara ntuvatora

28 Vika nái nutu vi uvaraqaa qara ntuva tomanta ekaa hini vaiintivata, Kotira kaiqa vara amite vau vaiintikave, Rivaira ankuqihai vo vaiintinavuve, vaantaavura qentiqaa raqiki vau vaiintikave, Kotirara ihi tiva amite vau vaiintikave, Kotira Naavuqi kaiqa vare vau vaintikave, ekaa vo vaiinti vo vaiinti vika Kotiva Mosiraqaa tivato uvara iriha kia vo vatanaaka hampata vohaaraqi vaireka auti vauka vikave, vika naatavarave, vika vaintivara ho uva irukave, 29 vika vika nora vaiintinavu hampata vaiha vohaa uva tivake vatora. Vika nái kauqu aiqiqaa aqukeha mintima ti:

  • Tenavu Isareri Kotira uvaqai iriqi virerave. Noravano Kotiva tinavuara vika minti mintima keha nuate tiro, viva nai kaiqa vaiinti Mosiraqaa tivatai uvara, tenavu kia vi uvara raqa karaiti, tenavu ekaa vi uvara iriqi virerave. Tenavu kia mintiraiti, vi uvara raqa kaarera, Kotiva tinavuqaa uva vateharo qoraiqama timitaarire.
30 
  • Tenavu kauqu aiqiqaa aqukeha tiha, Tenavu kia tentanavu raavura vika vo vatanaaka tinavu tataaqa vaika nimirerave. Tenavu tentanavu maaqu vika nahenti vara nimirera kia tenavu vo vatanaaka tinavu tataaqa vaikaqihai vara nimirerave. (Katu Varora 34:16)
31 
  • Vo vatanaaka Maara Entaqaa koqaa varareka karave airairave vare aniqe kia tenavu vi entaraqaave, ai nora enta voqaave, vi haikara varaainarave.
  • Tenavu 6 ihiara vataqi kara utuqi vivi, viraqaahai 7 ihiqaa vata qaqi kaariraro kantu variarire. (Kis 23:11)
  • Vi ihiraqaa tenavu ekaadinauvaraainaravata nunka taiqa kaainarave. (Lo 15:1-2)
32 
  • Ekaa vo ihi vo ihi tenavu vohaiqa vohaiqavanosilvaa ori inaaraiqa nimiari viraqohai Kotira Naavuqaa koqema keha raqikiate.
33 
  • Vi monuraqohai vika homa hini aqukeha mpareti vare, Kotira taintaqaa vuru vatevarave.
  • Vika homa hini aqukehauiti vare, vo enta vo enta Kotira amitevarave.
  • Vika homa hini aqukeha mati vare, vo enta vo enta Kotira kaintu iha quara amitevarave.
  • Vika homa hini aqukeha vo haika vare, Maara Entaqaave, qaraaka tora itaaina entaraqaave, nora enta voqaave, Kotira amitevarave.
  • Vi monuraqohai vika homa hini aqukeha Kotira kaiqa vare vai vaiintika tenavu Isareri qora kaiqa varaaina uvarara iriha, Kotiraofaa iha quara amitevarave.
  • Vika homa hini aqukeha vo kaiqa vo kaiqa Kotira Naavuqi qaqi vainara varevarave.
34 
  • Tenavu qumina vaiinti nahentive, Kotira kaiqa vara amite variakave, Rivaira ankuqihaive, tenavu Noravano Kotiva Mosiraqaa tivatai uvara iriha, Nora Kotira tinavu Variqaofaa taintaqaa quare ihara vare aniate ti, tenavusatu arukeha, vo anku vo anku kaama taari vika nai kaamate entaraqaa iha aqu vareha viri vataate.
35 
  • Tenavu Isareri ekaa vo ihi vo ihi tentanavu naahoqihai kara avuni mpeqaiqinarave, aquitaainarave, kia naraiti, Kotira Naavuqi vuru kaare.
36 
  • Tenavu Isareri Kotiva Mosiraqaa tivatai uvara iriha, tentanavu qorainti vainti, kara hunka vika ntita vare, Kotira kaiqa vara amite vaika inaini vuru kaari vika vi vaintinavuka Kotira kaama amitaate.
  • Hoqare avuni vatatai purumakaura qorave, sipisipi qorave, memeraa qorave, tenavu vikavata Kotira Naavuqi vuru kaari Kotira kaiqa vara amite vaika vika Kotira vara amitaate. (Katu Varora 13:2)
37 
  • Vo ihi vo ihi tenavu avuni hoqareuiti teqake rukokakima taainara vuru Kotira Naavuqi Kotira kaiqa vara amite vaika nimitaare.
  • Avuni hoqare aqu itaaina katari tavaravata, hoqare avuniorivi vahavera varateravata, hoqare avuni tatiteuainiravata, tenavu vira vira vuru Kotira Naavuqi Kotira kaiqa vara amite vaika nimitaare.
  • Rivaira ankuqiraa vaiintinavu vo vatuka vo vatukaini niha, tinavu hini naaho varareka ivaqe, tenavu tentanavu naaho kaqurutantaqihai vohaiqa rairake vika nimiare. (Kaarantura 18:21)
38 
  • Rivaira anku vika vi naahora varareka imanta Eronira ankuqihai Kotira kaiqa vara amite vaika, vikavata Rivaira anku vika hampata oru vi naahora varaate.
  • Ho Rivaira anku vika vi naaho maatara vare, vikavata qaiqaa vi naahora kauqurutantaqihai rairake vohaiqa vuru Kotira Naavuqi kara vaterumuraqi vataate. (Kaarantura 18:26)
39 
  • Isareri vaiinti nahenti vikavata, Rivaira anku vikavata, náiuitive,orivi vahaverave,uainive, nimireka iha, vika vuru Kotira Naavuqi kara vate vairumunavuraqi vataate. Viraqi Kotira kaiqa vara amite varia tanura vonavu vairave. Mini Kotira kaiqa vara amite variakavata, Kotira Naavuqaa maimaraara raqiki variakavata, Kotirara ihi tiva amite variakavata, vaite varianainive.
  • Tenavu Kotira Naavu qaqirake tentanavu kaiqaqai varaarorave ti, tenavu Kotira Naavuqaa mintima keha raqikiqi virerave, tura.
˻Vi entara ekaa Isareri ruvaaqumavi vaiha vi uvara qara ntura.˼

Copyright information for `TBG