Psalms 100

Kotirara koqeve tia ihira

Ekaa naato vatanaaka, ne quaheha naverai tiha Nora Kotira autu tuaheraqi vuate.

Ne quaheha vira avuqaa oru vaiha ihi tiva amitaate. Maa uvara kankomake iriate: Noravano Kotiva vivaqaima Variqavano vaivo.

Viva tinavu autukero vataimanta tenavu viva ikama vauro.

Tenavu viva i sipisipika vauraro viva tinavuqaa raqiki vaimantama vauro.

Aniqenavu vira Naavuvano vai vatukara qentiana oru vaiha, virara koqeve tivaqi viha vira autu tuahera kaare.

Viva nora kaiqa tinavu vara timite vairara iriha, virara koqeve tivaqi viha vira nora autu tuahera kaare.

Vira okaravano koqe okara vaivaro vira muntukavano nai vaiinti nahentiara ekaa entama variqiro vuanarove.

Viva kia vika qaqira karaitiro, ekaa vika kuvuarama tekaravata noraiqamakero iriqiro vuanarovema turo.

Copyright information for `TBG