Psalms 113

Kaiqenavu Nora Kotira autu tuahera kaare.

Ne Nora Kotira kaiqa vaiinti nahenti, vira autu tuahera kaate.

Kaiqenavu Nora Kotira autu tuahera karerama turo.

Kaiqenavu vatevata, naantiara ekaa entavata, Nora Kotira autu tuaheraqi vuare.

Ne kuari avu urinaini variakavata, uritarero aquvinaini variakavata, ekaa ne Nora Kotira autu tuahera kaate.

Noravano Kotiva ekaa vo vatanaa vo vatanaakaqaa raqiki vaiva vaivaro, vira mpeqa okaravano takuqi vaiva naaruvavata uri aatarakero vaira.

Nai tavave tinavu Variqa Nora Kotira voqaara vaivo?

Viva nai virini kantaaqaini vaiharo nai avuhainaa taintaqaa oquvi vaiharo
naaruvavata vatavata viavi tave vaira.

Vehi vaiinti nahenti qoraiqamavi konkomaqi variakave, vo haika vo haikara aavoqiha nora maaraqi variakave, viva vika vika ntita varero, qiata vaiintinavu varianaini vuru kaimanta koqemake variara.

Vivanaahiara/qururaiqama vua nahentika koqema nimitaimanta vika airi vainti vatate quaheha variara.

Ho kaiqenavu qaiqaavata Nora Kotira autu tuahera kaare.

Copyright information for `TBG