Psalms 125

Vaiinti nahenti Nora Kotiraqaa muntuvi variaka vika vaireka, Saioni Aiqina voqaarama variavo. Vi aiqinava kempukaiqama kero vairaro kia vo haikavanovata vira ho qaki qakima kaanarove.

Aiqinavano Ieruharemi ututumatero vira antua amitaintema kero, Noravano Kotiva nai vaiinti nahenti antua nimite vaira. Viva vatevata naantiara ekaa entavata mintiaqiro vuanaro.

Qora kaiqa vare variaka kiama ekaa enta avuqavu ni variakaqaa raqikiqi vivara. Vika mintivera, avuqavu ni variakavata vika aanante qora kaiqama varevara.

Noravauvo, koqe kaiqa vare variaka are vika nái koqema nimitaane. Vi vaiinti nahentika are tiva taana uvara avataqi ni variarave.

Naantiara are qora kaiqa vareka qoraiqama nimitena entara, ai aara qaqirake hampi aaraqaa nikavata qoraiqama nimitaane.

Ho ne Isareri maateraiqiha variqi vuaterama turo.

Copyright information for `TBG