Psalms 129

Ne iri vaiqe te Isareri okarara tiare.

Nai haaru tenavu Isareri qovaraiquna entaraqaahai navutaaka voqamake tinavu qoraiqama timitaqi ani, vate maa entaravata vika qaqiqai tinavu qoraiqama timite variavo.

Ho ne ekaa Isareri maa uvaravata tiate:

Nai haaru tenavu Isareri qovaraiquna entaraqaahai navutaaka voqamake tinavu qoraiqama timitaqi ani, vate maa entaravata vika qaqiqai tinavu qoraiqama timite variavo.

Vika tinavu qoraiqama timitaqi anihavata, kia tinavu ekaa haatara kaarave.

Oho, vaiintivano kaiqaqaa ora vutu vuru quvi taintemake, navutaaka tinavu Isareri tauvaqa teqa taaqama kaavaro vukai vaaraquvano tinavuqaa vaira.

Ho Noravano Kotiva avuqavu kaiqa vare vaiva, viva tinavu Isareri kahaqama timiteharo qora vaiinti kauquqihairo tinavu kuvantu timitaimanta vate tenavu kiama rumpataaka vauro.

Ho kairamanta Saioni vatukara navutaiqi variaka anivaro Noravano Kotiva vika naatarakero kaurira haika nimiramanta anirante vuate.

Kairaro aahara vataqaa qumpiqatai ukauva vaaka aaharaiqama vintemake, vika vaaka taiqa vuate.

Kairaro navuhi nuqutaava kia airi vaintemake, vika kia airi variate.

Hauri vaiinti nahenti vitare aitare ika vika tave tiha, Noravano ni koqema nimitaarire. Tenavu Nora Kotira autuqaa ni koqema nimitauro, tivora.

Copyright information for `TBG