Psalms 93

Noravano Kotiva Avuhainaava vaiharo ekaa haikaqaa raqiki vaivaro vira nora autuvanovata vira kempuka okaravanovata nai vira avuhainaa utavaaqa voqaara vairave.

Viva maa vatara tuqa kempukaiqama kero aratairara tiro, kia ho vovano vira qaki qaki iariravama vaivo.

Ike, Noravauvo, are nai haaru kia vo haikavanovata vai entara are raqikiqira ani varianarave. Are kia vo entavata kia vairaitira, are ekaa enta variqira ani variaravama variaro.

Noravauvo, nora namarivano voqama kero auva nteharo vukuqiro aniharo paama tivakero vata ruquti vairave.

Mintimakero kumpetaqiro uri vaivarovata, ai kempukavano viravata uri aatarakero nai voqavatama vaivo.

Are kempukavano nai virini kantaaqaini Variaravama variaro.

Are uva tiva taarava kempuka uva vaivaro kia vovanovata vi uvara nunka kero vo uva tianarove.

Noravauvo, ai Naavuvano ekaa enta ekaa enta takuqu kero variqiro vuanarove, turo.

Copyright information for `TBG