bEzek 2.9–10; Isa 29.11
dGen 49.9; Isa 11.1, 10
e(24)
fIsa 53.7; Zec 4.10
g(24)
iPsa 141.2
jExo 19.6; Rev 1.6
kDan 7.10

Revelation of John 5

Natu Sipsip Mo Roi Na Viriviri Pepa

Ale na hite na matua liman haratu sei mo lo sakele na jara sakele non supe, na hitea mo lo tauri na viriviri pepa matea sei la uliuli hinia tavalu rua.
5.1viriviri pepa:Scroll la vaia tuai na huri nani teni pepa, ale la tau puluna peresi wax mata kandeli.
ale la puluia na jara mo limaravrua tinatinapua. b 

Na hite na angelo suiha tavera matea, ale mo verea na leo tavera matea mara, “Hare mo tataholo vara i roi viriviri pepa nike, ale vara i r̃ari na puluna?” Pani mo sopo tea na tuka teni na varama teni na lolo varama mata mateia vara i tataholo vara i roi viriviri pepa atu teni i hite na lolona.

Ale, na tangi tavera matan mo sopo tea mo tataholo vara i roi viriviri pepa atu teni i hite na lolona. Ale vonan la tamlohi aulu atu matea mo verea isaku mara, “O sopo tangi, o to kilau vano, haratu la tovia Lion sei enia tavtavuin Judah matea,
5.5Lion:Lion enia puskat jala mo tavera jea la suiha. Vaon Israel enia Judah la tovia Lion, Supe David mo tai isan tavtavuin Judah.
ale enia pin David mo jeu na nona meresahi moiso, ale, enia i er̃i roi viriviri pepa atu peresi la puluna atu mo limaravrua.” d 

Ale na hite na natu sipsip matea mo lo turu na livuhan jara atu. Hin jara atu natu, la hinau mauri mo vati atu peresi la tamlohi aulu atu mo ngavulu rua mo vati e  la lo sakele r̃alihi na jara sakele non supe ea. Ale natu sipsip atu, mo sohena la vilimateia moiso, pani mo lo turu, ale palana mo limaravrua, ale matana mo limaravrua, enira la tanume r̃uhu atu mo limaravrua non God sei mo lo r̃ulera vara la vano na jara tari na varama. f 

Ale Natu Sipsip mo sinai mo lavi viriviri pepa atu na matua liman haratu sei mo lo sakele na jara sakele non supe, ale mo lavia moiso natu, la hinau mauri mo vati atu peresi la tamlohi aulu atu mo ngavulu rua mo vati g  la juruvi popovi na lepa atano na nahon Natu Sipsip, enira hatehateahi la tauri na pue tangtangi matematea peresi na puru mata gold la mar̃ivi na hasori,
5.8hasori:Hinau sohena tobak la sulia mata, ale asuna mo hasori mo r̃uhu.
hasori sei natu, enia usiusi non nona tapuhi. i 

Ale la lavi na vete paro matea lara,

“Engko hasem ko tataholo vara o lavi viriviri pepa atu,
o roi na puluna matan la vilimateiho,
ale r̃aem mo volituhu na tavtavui tari, na leo tari,
ale tamlohi purongo peresi na mara jara tinatinapua tari vara la mai non God,
10 ale ko vir̃onira la mai na vao matea mata pr̃is
la tauri na suiha aulu isan nor̃a God,
ale la pa tauri na suiha na varama.”
j 
11 Ale na kilau vano, na rongo na leo angelo matuvana la toho r̃alihi na jara sakele non supe atu peresi na leon hinau mo vati atu peresi la tamlohi aulu atu, peresi la vao tavera hajavua atu, tea i sopo er̃i evira. k 

12 Ale la lo verea na leo tavera matea lara,

“Natu Sipsip la vilimateia,
enia mo tataholo matan vara i lavi na suiha,
tavtav, lelevosahi, r̃ilangi, oloolo,
hija aulu peresi na hasohaso.”
13 Ale na rongo na hinau tari la lo mauri na tuka, na varama, na lolo varama, ale na tasi, ale hinau mo isoiso sei la lo toho hinira, la lalavete isan la tupra rua atu lara,

“Isan haratu sei mo lo sakele na jara sakele non supe,
peresi Natu Sipsip, la pa avulahi r̃uhu,
ale la pa lavi na hasohaso,
peresi na hija aulu,
peresi na suiha tavera tarea mata rani tui tui tarea!”
14 La hinau atu mo vati atu la verea lara, “Amen!” Ale la tamlohi aulu atu la juruvi popovi na lepa atano, ale la lotu.

Copyright information for `TGP