a9.11 Mkb 7.49, 2 Mkb 15.36
b9.24-28Est 3.7

EsthGr 9

Ol Juda i bagarapim ol birua

Nau a  dispela de namba 13 bilong mun Adar i kamap. Pastaim king i bin tok, long dispela de yet ol birua i ken bagarapim ol Juda na pinisim ol tru. Tasol nau ol Juda i kirap winim ol birua na daunim ol. Na olgeta manmeri bilong olgeta hap ol i pret long ol Juda na ol i no inap mekim wanpela samting long ol. Na olgeta kiap bilong olgeta provins na olgeta gavman na olgeta man bilong bosim wok bilong king, ol tu i helpim ol Juda, long wanem, ol i pret long Mordekai. Olgeta man long kantri bilong king i save pinis, king i bin givim bikpela namba na bikpela strong long Mordekai.

Insait long Susa, dispela namba wan taun bilong gavman, ol Juda i kilim i dai 500 man olgeta. Na ol i kilim ol dispela 10-pela pikinini man bilong Haman, em pikinini bilong Hamedata na birua bilong ol Juda. Nem bilong ol i olsem, Farsanestain na Delfon na Fasga na Faradata na Barea na Sarbaka na Marmasima na Arufeus na Arseus na Sabuteus. Tasol ol Juda i no kisim ol samting bilong ol birua.

11  Long dispela de tasol ol i toksave long king long hamas man ol Juda i bin kilim long Susa. 12 Bihain king i tokim Kwin Esta olsem, “Ol Juda i kilim i dai 500 man olgeta long taun Susa yet. Na mi ting ol i bin kilim planti manmeri moa long ol arapela provins. Nau yu laik kisim wanem arapela samting? I orait, bai mi ken givim yu. Yu tok tasol, na yu ken kisim wanem samting yu laikim.”

13  Orait Esta i bekim tok bilong king olsem, “King, sapos yu laik, tumora bai yu ken larim ol Juda bilong Susa i mekim wankain long ol birua olsem ol i bin mekim nau. Na bai ol i hangamapim bodi bilong 10-pela pikinini bilong Haman.” 14 Orait king i tokim ol long mekim olsem. Na ol i hangamapim bodi bilong ol 10-pela pikinini man bilong Haman long pos na olgeta man i lukim. 15 Long de namba 14 bilong mun Adar, ol Juda bilong Susa i bung gen na i kilim i dai 300 moa man long taun. Tasol ol i no kisim ol samting bilong ol.

16  Ol Juda i stap long ol arapela provins ol tu i bung na i pait strong bai ol i ken i stap gut. Ol i mekim save long ol birua na i kilim i dai 15,000 manmeri. Tasol ol i no kisim ol samting bilong ol birua. 17 Na long de bihain, em long de namba 14, ol i no kilim ol birua. Nogat. Long dispela de ol i mekim bikpela kaikai na bikpela amamas wantaim. 18 Tasol ol Juda i stap long Susa, ol i makim de namba 15 olsem bikpela de bilong amamas. Long wanem, ol i wok long kilim i dai ol birua long de namba 13 na 14. 19 Long dispela as tasol, ol Juda i stap long ol liklik taun ol i save makim dispela de 14 long mun Adar olsem bikpela de bilong amamas. Na ol Juda i stap long ol biktaun, ol i save makim de namba 15 olsem bikpela de bilong amamas, na ol i save givim presen long ol yet wan wan.

Bikpela kaikai ol i kolim Purim

20  Mordekai i raitim ripot long olgeta samting i bin kamap long dispela de, na em i salim pas i go long olgeta Juda i stap klostu na i stap longwe, long olgeta hap bilong kantri Persia. 21 Em i tokim ol bai ol i mas makim de namba 14 na 15 bilong mun Adar olsem bikpela de bilong amamas long olgeta yia. 22 Long dispela tupela de ol Juda i bin rausim ol birua bilong ol. Long dispela mun tasol, bel hevi na bel sori bilong ol i senis na ol Juda i belgut. Olsem na Mordekai i tokim ol long makim bikpela taim bilong amamas long dispela mun olgeta na tilim kaikai long ol wantok na long ol man i sot long ol samting. 23 Na ol Juda i bihainim olgeta tok bilong Mordekai.

24  Mordekai b  i raitim ripot na i stori long ol samting Haman, pikinini bilong Hamedata, dispela man bilong kantri Masedonia, i bin mekim. Em i stori long Haman i bin pilai satu bilong painim de bilong kilim i dai olgeta Juda. Haman i bin pasim tok long bagarapim tru ol Juda, 25 na em i bin i go long king bilong askim em long hangamapim Mordekai. Tasol ol i hangamapim em yet na bihain ol i hangamapim ol pikinini man bilong em tu long pos. 26 Long dispela as tasol na ol i kolim dispela tupela de bilong malolo olsem, Ol Bikpela De Bilong Purim. As bilong dispela nem Purim i olsem, “Satu.”

27  Ol Juda i mekim dispela pasin i kamap lo bilong ol yet na bilong ol tumbuna i kamap bihain, na bilong olgeta man i laik kam insait long lain bilong ol Juda. Ol i mas tingim ol dispela samting i bin kamap, olsem Mordekai i tok. 28 Ol i tok olsem, bai olgeta wan wan famili bilong ol Juda long olgeta lain i kamap bihain, na long olgeta provins na long olgeta biktaun, ol i mas tingim dispela tupela de bilong Purim.

29  Na Kwin Esta, pikinini bilong Aminadap, wantaim Mordekai, dispela man bilong lain Juda, tupela i raitim stori bilong ol samting tupela i bin mekim long dispela tupela de bilong Purim. Na kwin i strongim tok bilong dispela pas. 31 Mordekai wantaim Kwin Esta tupela yet i kirapim dispela bikpela de bilong Purim. 32 Esta i makim dispela de bilong Purim bilong i stap bikpela de bilong ol Juda inap oltaim. Na ol i raitim dispela tok long wanpela pepa na ol i putim i stap.

Copyright information for `TPI