Psalms 100

Song bilong litimapim nem bilong God

Dispela song em song bilong tenkyu long God.

Yupela ol manmeri
bilong olgeta hap graun,
yupela i mas singim song
bilong amamas long God.
Yupela i mas belgut long Bikpela
na lotu long em.
Yupela singim song bilong amamas
na go klostu long em.
Yupela a  i no ken tingting lus
long Bikpela,
em wanpela tasol i God tru.
Em wanpela tasol i bin wokim yumi,
olsem na yumi bilong em yet.
Yumi manmeri bilong en,
yumi olsem ol sipsip bilong en.

Yumi mas i go insait
long haus bilong en
na tenkyu long em
na litimapim nem bilong em.
Yumi tenkyu long em
na givim biknem long em.
Bikpela b  i save mekim
gutpela pasin tasol.
Oltaim em i save laikim yumi tru.
Em i save bihainim
tok tru bilong em
oltaim oltaim.
Copyright information for `TPI