Psalms 11

Man i bilip strong long God

Devit i raitim dispela song. Em i song bilong man i bosim musik.

Mi a  bilip tru,
Bikpela bai i lukautim mi.
Ating yu longlong
na yu tokim mi olsem,
“Yu mas ranawe
i go long ol maunten,
olsem wanpela pisin i pret
na i ranawe i go?
Long b  wanem, ol man nogut
i taitim banara bilong ol.
Ol i holim ol spia
na makim ol gutpela man,
bilong sutim ol long ples tudak.
Sapos c  olgeta manmeri
i no save mekim
stretpela pasin moa,
orait stretpela man
bai i mekim wanem?”

God d  i stap long haus bilong em yet.
Em i stap king long heven,
na ai bilong en
i save lukim olgeta man.
Em i save long olgeta samting
ol i mekim.
Bikpela e  i save skelim
ol stretpela man na ol man nogut.
Em i no laikim tru
ol man i sakim lo bilong em.

Em f  i kapsaitim hatpela paia moa
antap long ol man nogut.
Na em i mekim save boinim
skin bilong ol.
Dispela em i pe bilong ol.
God g  yet i save mekim
stretpela pasin tasol,
na em i laikim stretpela pasin.
Ol man i bihainim tok bilong em
ol bai i lukim pes bilong em.
Copyright information for `TPI