Psalms 127

God i mekim gutpela pasin long ol na ol i litimapim nem bilong en

Solomon i raitim dispela song. Em i song bilong ol lain i wokabaut i go long ples bilong lotu.

Sapos a  Bikpela
i no wokim haus,
ol kamda i wok nating.
Sapos Bikpela i no lukautim
wanpela taun,
orait ol wasman i was nating.
Yumi save kirap long moningtaim
na wok hat i go inap long nait
bilong kisim mani
na ol kaikai samting.
Tasol nogut yumi wok hat nating.
Long wanem, God
i save givim malolo
long ol manmeri
em i save laikim tumas.

God i mekim gut long yumi
na givim yumi ol pikinini
olsem presen.
Ol i gutpela blesing tru
yumi kisim long God.
Ol pikinini man
bilong yangpela man
i olsem ol spia i stap long han
bilong wanpela soldia.
Man i gat planti pikinini man
em i ken amamas.
Ol bai i helpim em
taim em i mekim kot
wantaim ol birua bilong em
long ples kot.
Na bai em i no ken lus long kot.
Copyright information for `TPI