Psalms 130

Man i prea long God i helpim em

Song bilong ol lain i wokabaut i go long ples bilong lotu.

Bikpela, a  mi bel hevi tumas
na mi singaut long yu.
Bikpela, harim krai bilong mi.
Harim mi i singaut
long yu helpim mi.
Sapos b  yu kaunim
olgeta sin bilong mipela
bai husat inap long winim
kot bilong yu?
Tasol c  yu save rausim
ol sin bilong mipela,
olsem na mipela i mas pret
long yu.

Mi d  laikim tumas
Bikpela i helpim mi,
na mi wet long em.
Na mi bilip tru long tok bilong en.
Mi e  save wet long Bikpela,
na mi laikim tumas
bai em i helpim mi.
Na dispela em i winim laik
bilong ol wasman
i save wet long tulait i kamap.

Yumi ol Israel,
yumi mas bilip long Bikpela,
long wanem, oltaim
em i save laikim yumi tru.
Na oltaim em i laik helpim yumi
bai yumi no bagarap.
Em f  bai i kisim bek
ol manmeri bilong en,
em yumi Israel,
na rausim olgeta sin bilong yumi.
Copyright information for `TPI