Psalms 133

Ol i amamas long pasin bilong laikim ol brata

Devit i raitim dispela song. Em i song bilong ol lain i wokabaut i go long ples bilong lotu.

Sapos a  ol manmeri
bilong God
i sindaun gut wantaim
na i stap wanbel
olsem ol brata tru,
em i gutpela tumas,
na ol i ken i stap belgut.
Dispela pasin i olsem
gutpela wel bilong diwai oliv
ol i bin kapsaitim
long het bilong Aron,
na i go daun
long gras bilong wasket,
na i go inap long arere
bilong longpela klos bilong en.
Pasin bilong wanbel
i olsem wara bilong nait
i pundaun long maunten Hermon
na long ol maunten bilong Saion.
Long dispela ples
Bikpela i save mekim gut tru
long ol man i stap wanbel.
Em i givim ol laip
bilong i stap gut oltaim oltaim.
Copyright information for `TPI