Psalms 142

Wanpela man i prea long God i helpim em

Devit i raitim dispela song, em kain song ol i kolim Maskil. Devit i stap long hul bilong ston na em i raitim dispela beten.

Mi a  singaut strong
long Bikpela
bilong em i helpim mi.
Mi wok strong long askim em
long helpim mi.
Mi save tokim em long olgeta wari
na olgeta hevi
i kamap long mi.

Taim b  bel bilong mi i hevi moa,
na mi ting bai mi bagarap,
Bikpela, yu save wanem samting
mi mas mekim.
Long rot bilong mi
ol man i haitim pinis
wanpela umben
bilong holimpas mi.
Mi c  lukluk klostu long mi,
tasol mi no lukim wanpela man
i ken helpim mi.
I no gat wanpela man i stap
bilong was long mi.
Na i no gat wanpela man
i sori long mi
na i laik helpim mi.
Olsem na Bikpela,
mi singaut long yu
bilong yu ken helpim mi.
Yu tasol yu wasman bilong mi.
Taim mi stap laip yet
mi laikim yu wanpela tasol
i mas i stap wantaim mi.
Yu harim mi i singaut long yu
long helpim mi.
Long wanem, bel bilong mi
i hevi tru.
Ol man i mekim nogut long mi
ol i strong tumas,
na mi no inap winim ol.
Olsem na yu mas kisim bek mi
long han bilong ol.
Kisim d  bek mi long dispela hevi
na mi ken i stap gut.
Olsem na long taim
ol manmeri bilong yu i bung
bai mi litimapim nem bilong yu.
Long wanem, yu bin mekim
gutpela pasin long mi.
Copyright information for `TPI