Psalms 143

Wanpela man i prea long God long helpim em

Devit i raitim dispela song.

Bikpela, mi laik bai yu
harim prea bilong mi.
Putim yau long krai bilong mi.
Yu stretpela
na yu save tok tru oltaim,
plis, harim beten bilong mi.
Yu a  no ken skelim mi,
wokman bilong yu,
long kot bilong yu.
Long wanem, i no gat wanpela man
i no gat asua
na i stap stret long ai bilong yu.

Birua bilong mi em i ranim mi pinis
na i daunim mi tru.
Em i kalabusim mi long ples tudak,
na mi stap olsem man
i dai longtaim pinis.
Olsem na tingting bilong mi
i bagarap,
na bel bilong mi i hevi moa yet.

Nau b  mi tingting gen
long ol samting i bin kamap bipo.
Na mi tingting long ol samting
yu bin mekim
na long ol gutpela wok bilong yu.
Mi save beten long yu
na spirit bilong mi i laikim yu tru
olsem nek bilong man i drai
na em i laikim tumas
long dring wara.

Bikpela, yu ken harim
prea bilong mi nau,
long wanem, bilip bilong mi
i bagarap.
Yu no ken hait long mi,
nogut mi dai
na mi go long ples
bilong ol man i dai pinis.
Mi c  save bilip long yu,
olsem na long moningtaim
yu ken mekim mi i tingting gen
long bikpela sori bilong yu.
Mi save prea long yu tasol.
Olsem na yu mas soim rot long mi
na mi ken bihainim.
Bikpela, mi go long yu
bilong yu lukautim mi.
Yu ken kisim bek mi
long han bilong ol birua
bilong mi.
10 Yu d  God bilong mi,
mi laik yu skulim mi gut
bai mi bihainim laik bilong yu.
Mi laik bai spirit bilong yu
i mekim gut long mi
na i stiaim mi long gutpela rot.

11 Bikpela, yu mas kisim bek mi
olsem yu bin promis.
Yu gutpela tru,
olsem na yu ken kisim bek mi
long olgeta hevi i kamap long mi.
12 Yu save laikim mi moa yet,
olsem na yu ken kilim i dai ol birua
na ol man i bagarapim mi,
long wanem, mi wokman bilong yu.
Copyright information for `TPI