Psalms 16

Man i bilip na i beten long God

Devit i raitim dispela song, em kain song ol i kolim Miktam.

God, a  yu mas lukautim mi.
Mi kam long yu
bilong mi ken i stap gut.
Mi tokim God olsem,
“Yu Bikpela bilong mi.
Olgeta gutpela samting mi holim,
i kam long han bilong yu tasol.”

Ol b  manmeri bilong God,
ol i gutpela manmeri tru.
Mi save amamas tru
long i stap wantaim ol.

Ol c  manmeri i save ran i go
long ol giaman god,
bai ol i karim planti hevi.
Mi no ken bung wantaim ol
na mekim ofa,
na mi no ken lotu
long ol god bilong ol.

God, d  yu tasol yu bilong mi
na mi no gat
narapela samting moa.
Na yu givim mi olgeta samting
mi sot long en.
Laip bilong mi i stap
long han bilong yu.
Mi e  kisim olgeta gutpela samting
long yu tasol.
Tru tumas, ol dispela samting
i gutpela tru!

Mi f  litimapim nem bilong Bikpela,
long wanem, em i save stiaim mi.
Na long nait bel bilong mi
i save skulim mi.
Oltaim g, h  mi save pilim Bikpela
i stap klostu long mi.
Em i stap klostu
na i givim strong long mi,
olsem na i no gat wanpela samting
i ken mekim mi i pret na guria.

Olsem i  na bel bilong mi i gutpela tru,
na spirit bilong mi i amamas.
Na mi no save pret liklik
long wanpela samting.
10 Long j  wanem, bai yu no larim mi
i go i stap
long ples bilong ol man i dai pinis.
Na bai yu no larim
man bilong yu yet
i sting long matmat,
long wanem, yu laikim mi tumas.
11 Yu k  yet bai yu soim mi
rot bilong kisim laip.
Yu stap klostu long mi
na mi save amamas moa yet.
Yu save helpim mi
na bel bilong mi
i amamas oltaim oltaim.
Copyright information for `TPI