Psalms 2

God i makim king

Bilong a, b  wanem
olgeta lain manmeri
i pasim tok bilong mekim
pasin bilong bikhet?
Bilong wanem ol dispela manmeri
i pasim tok nating
bilong mekim ol pasin nogut?
Ol king bilong olgeta hap graun,
ol i redi long pait.
Na ol hetman i bung na painim rot
bilong daunim Bikpela
na dispela man em i makim
bilong bosim
ol manmeri bilong en.
Ol i tok olsem,
“Yumi brukim hankap
bilong tupela.
Yumi rausim ol baklain
tupela i pasim yumi long en.”

God c  i sindaun
long sia king bilong en
long heven,
na em i lap na tok bilas long ol.
Em i belhat tru
na i givim strongpela tok long ol.
Na bikpela kros bilong en
i mekim ol i pret moa yet.
Na em i tokim ol olsem,
“Mi makim pinis dispela man
bilong i stap king.
Mi yet mi putim em
i stap long Saion,
dispela maunten bilong mi yet.”

King d  i tok, “Nau bai mi autim tok
Bikpela i bin givim mi.
Em i tokim mi olsem,
‘Yu Pikinini bilong mi.
Nau mi kamap papa bilong yu.
Askim e  mi, na bai mi givim
olgeta lain manmeri long yu,
na bai yu bosim olgeta hap graun.
Bai f  yu bosim ol
long strongpela han bilong yu.
Na bai yu brukim ol liklik liklik,
olsem man i brukim
sospen graun.’”
10 Olsem na yupela ol king,
yupela putim gut yau
na stretim pasin bilong yupela.
Yupela ol hetman bilong graun,
yupela harim dispela tok
na yupela lukaut.
11 Yupela g  i mas pret long God
na aninit long em.
Yupela i mas guria long em
na amamas wantaim.
12 Yupela h  i mas aninit
long pikinini bilong en
na givim kis long em.
Nogut em i kros long yupela
na yupela i dai.
Long wanem,
em i save belhat hariap.
Man i save bilip long God
na pas tru long em,
em i ken amamas.
Copyright information for `TPI