Psalms 24

God em i bikpela king

Devit i raitim dispela song.

Dispela a  graun
wantaim olgeta samting
i stap long en,
em olgeta i bilong Bikpela tasol.
Olgeta ples
na olgeta manmeri bilong ples,
ol tu i bilong em.
Em b  i wokim graun
antap long ol wara
i stap daunbilo tru.
Na em i wokim as bilong graun
namel long solwara.

Husat c  inap i go
antap long maunten bilong God?
Husat inap i go
insait long haus bilong God yet?
Man d  i no mekim pasin nogut,
na bel bilong en i klin,
man i no save lotu
long ol giaman god,
na man i no tok tru antap
bilong giamanim narapela man,
kain man olsem em inap.
God bai i mekim gut
long dispela kain man.
God bai i kisim bek em
na kolim em stretpela man.
Kain e  man olsem i save painim God.
Em i save go klostu
long God bilong Jekop.

Yupela f  dua, yupela op.
Yupela dua bilong bipo tru,
yupela op bikpela,
bai nambawan king
i ken i go insait.
Nambawan king, em husat?
Em God wanpela tasol.
Em i gat bikpela strong tru,
na i save win long ol pait.

Yupela dua, yupela op.
Yupela dua bilong bipo tru,
yupela op bikpela,
bai nambawan king
i ken i go insait.
10 Nambawan king, em husat?
Em dispela God i save bosim
bikpela lain ami.
Em wanpela tasol
em i nambawan king.
Copyright information for `TPI