Psalms 26

Prea bilong stretpela man

Devit i raitim dispela song.

Bikpela, a  yu kolim mi
stretpela man.
Long wanem, mi save mekim
stretpela pasin,
na mi bilip olgeta long yu.
God, b  traim olgeta pasin bilong mi.
Na skelim bel na tingting bilong mi.
Yu c  save marimari long mi
na yu stiaim mi oltaim.
Yu save go paslain long mi oltaim
na yu no save lusim mi.

Mi d  no save raun
wantaim ol man nogut.
Mi no save wokabaut
wantaim ol man bilong giaman.
Mi e  no save laik tru
long raun wantaim ol man nogut.
Mi save abrusim ol.

Bikpela, f  mi wasim han bilong mi
bilong soim yu mi no gat rong.
Na mi wokabaut
raunim alta bilong yu,
na mi lotu long yu.
Mi mekim olsem,
na mi singim wanpela song
bilong tenkyu long yu,
na mi tokim ol manmeri
long ol gutpela wok yu bin mekim.

Bikpela, mi laikim tru
haus bilong yu,
em dispela ples
biknem bilong yu i stap long en.
Taim g  yu mekim save
long ol man bilong mekim sin,
yu no ken pinisim laip bilong mi.
Yu no ken kilim mi i dai
wantaim ol man i save kilim
ol arapela man.
10 Ol h  dispela man
i save mekim pasin nogut oltaim.
Ol i save givim mani long ol man
bilong grisim ol long mekim nogut
long ol arapela manmeri.

11 Tasol mi yet
mi save mekim stretpela pasin.
Yu ken marimari long mi
na kisim bek mi.

12 Mi i  save sanap strong.
I no gat wanpela samting
i ken bagarapim mi.
Bai mi litimapim
nem bilong yu, God,
namel long ol manmeri
i bung bilong lotu.
Copyright information for `TPI