Psalms 27

Prea bilong litimapim nem bilong God

Devit i raitim dispela song.

God a  em i lait bilong mi
na em i helpim bilong mi.
Olsem na mi no ken guria
long wanpela man.
Bikpela tasol i save lukautim mi,
olsem na mi no ken pret
long wanpela samting.

Sapos b  ol man nogut i kam klostu
na traim long bagarapim mi,
samting bai i sutim lek
bilong ol dispela man
na bai ol i pundaun.
Maski c  sapos bikpela lain ami
i kam raunim mi,
bai mi no ken pret.
Maski sapos ol birua
i kam pait long mi,
mi bilip long God
na mi no ken surik.

Mi d  bin askim God
long wanpela samting tasol,
na mi laikim tumas
bai em i mekim olsem.
Mi askim em bai mi ken i stap
long haus bilong em
inap olgeta de mi gat laip.
Mi laik amamas
long em i gutpela tumas long mi.
Na mi laik askim em
long soim mi gutpela rot.
Taim e  samting nogut i kamap long mi
bai em i haitim mi
long haus bilong em.
Bai em i pasim dua
na haitim mi gutpela tru.
Bai em i putim mi antap
long wanpela bikpela ston tru
na mi stap gut.
Olsem f  na bai mi winim
ol birua i raunim mi,
na bai mi daunim ol.
Bai mi singaut amamas moa yet
na mekim ofa
long haus bilong God.
Bai mi mekim song
bilong litimapim nem bilong em.

Bikpela, g  taim mi singaut long yu,
yu ken marimari long mi
na harim beten bilong mi.
Yu h  tokim mi olsem,
“Yu kam long mi.”
Orait Bikpela, bai mi go long yu.
Yu i  no ken haitim yu yet long mi.

God, yu helpim bilong mi.
Mi wokman bilong yu,
na yu no ken belhat long mi
na rausim mi.
Yu bin helpim mi planti taim.
Yu no ken lusim mi.
Yu no ken ranawe long mi.
10 Maski j  papa na mama
i givim baksait long mi,
Bikpela bai i lukautim mi.

11 Bikpela, k  yu ken lainim mi
long samting yu laik
bai mi mekim.
Mi gat planti birua i stap,
olsem na yu ken bringim mi
long gutpela rot.
12 Yu l  no ken lusim mi
bai ol birua i kisim mi.
Ol i save mekim tok giaman
na pretim mi.

13 Tru m  tumas, bihain bai mi lukim
God i mekim gut
long ol manmeri bilong em.
14 Yu n  mas bilip na wetim Bikpela
i kam helpim yu.
Sanap strong. Yu no ken bel hevi.
Yu mas bilip
na wetim Bikpela i helpim yu.
Copyright information for `TPI